ទីក្រុងតូក្យូរបស់ជប៉ុន បានរកឃើញការឆ្លងវីរុសកូរ៉ូណាថ្មី ចំនួន ៤៧ករណីកាលពីថ្ងៃអាទិត្យ ដែលជាតួលេខឆ្លងខ្ពស់បំផុត ចាប់តាំងពីរដ្ឋាភិបាលបានដកការប្រកាសអាសន្នទូទាំងប្រទេសកាលពីចុងខែឧសភា។ នេះបើតាមសេចក្តីរាយការណ៍របស់ទូរទស្សន៍ Asahi។
ការឆ្លងជិត ៥០ករណីនេះជាតួលេខខ្ពស់បំផុតគិតចាប់ពីថ្ងៃទី ៥ ខែឧសភាមក។
ក្នុងចំណោមការឆ្លងថ្មី ៤៧ករណី មានចំនួន ១៨ករណីជាការឆ្លងលើអ្នកធ្វើការនៅក្នុងក្លឹប។
សូមបញ្ជាក់ថា ជប៉ុនគឺជាប្រទេសទី ២បន្ទាប់ពីចិន ដែលមានការផ្ទុះវីរុសកូរ៉ូណានេះខ្លាំង ប៉ុន្តែប្រទេសដែលមានប្រជាជនជាង ១២៦លាននាក់នេះ បានធ្វើការទប់ស្កាត់ការឆ្លងរាតដាលបានយ៉ាងល្អ រហូតដល់ការឆ្លងធ្លាក់មកត្រឹមកម្រិតទាបបំផុត។
បច្ចុប្បន្ន ជប៉ុនមានអ្នកឆ្លងវីរុសសរុបទាំងអស់ចំនួន ១៧.៣៨២នាក់ និងស្លាប់ចំនួន ៩២៤នាក់។ អ្នកជាសះស្បើយមាន ១៥.៥៨០នាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Reuters
