Monday, November 28, 2022

ដល់ក​! រថយន្ត​ព្រូស​១​គ្រឿង បើក​ធ្លាក់​ក្រោម​ស្ពាន សង្ស័យ​ច្រឡំ​ស្មានថា​ផ្លូវ​អាចទៅរួច ខណៈ​ប្រជាពលរដ្ឋ​ស្នើ​អាជ្ញាធរ​ដាក់​ស្លាក​ព្រមាន​ផង​

spot_img

​ព្រះសីហនុ​៖ រថយន្ត​ព្រូស​១​គ្រឿង ដោយ​បើកបរ​មិន​ប្រុងប្រយ័ត្ន បាន​បណ្តាល​ឲ្យ​ធ្លាក់​ចុះទៅ​ក្រោម​ស្ពាន រង​ការខូចខាត​យ៉ាងដំណំ ។ ហេតុការណ៍​ដ៏​គួរ​ឲ្យ​ហួសចិត្ត​នេះ បានកើត​ឡើង​នៅ​ចំណុច​ស្ពាន​មួយកន្លែង ក្បែរ​ក្បែ​អាង​ចម្រោះ​ទឹកស្អាត​អូរ​ឈើទាល សង្កាត់​លេខ​៤ ក្រុងព្រះសីហនុ កាលពី​ព្រឹ ថ្ងៃទី​១៧ ខែ មិថុនា ឆ្នាំ​២០២០​។​

​បើតាម​ពិនិត្យមើល​ជាក់ស្តែង​នោះ ស្ពាន​នេះ​សាងសង់ឡើង​ពុំបាន​ពេញ​ផ្លូវ​ទាំងស្រុង​នោះទេ ដោយ​បន្សល់ទុក​ផ្នែក​ខាងស្តាំ​ទទឹង​ប្រវែង​ជាង​២​ម៉ែត្រ ដែល​ល្មម​នឹង​រថយន្ត​១​គ្រឿង​ឆ្លងកាត់​។​

​ជាមួយ​រូបភាព​ផ្លូវ​ទំនងជា​អាច​ទៅមុខ​កើត​នេះ​ផងដែរ ប្រជាពលរដ្ឋ​ដែល​តែងតែ ធ្វើដំណើរ​តាមផ្លូវ​នេះ ក៏បាន​សំណូមពរ​ដល់​អាជ្ញាធរ​មូលដ្ឋាន ជួយ​រៀបចំ​ធ្វើ​ស្លាក​សញ្ញា​គ្រោះថ្នាក់ ឬ​ស្លាក​សញ្ញា​ព្រមាន​ណាមួយ ឲ្យ​ពលរដ្ឋ​ធ្វើដំណើរ​ដែល​មិន​ស្គាល់​តំបន់​ផ្លូវ​ច្បាស់​បានដឹង​ផង ដើម្បី​ចៀសវាង​កើតមាន​ហេតុការណ៍​ធ្លាក់​បែបនេះ កើតឡើង​បន្តទៀត​។​

​ទោះយ៉ាងណា ក្នុងករណីនេះ គេ​ពុំបាន​ដឹងថា អ្នកបើកបរ​រងគ្រោះ​ធ្ងន់ធ្ងរ ឬ យ៉ាងណា​នោះទេ​៕

ដោយ​៖ លឹម ហុង​