ភ្នំពេញ៖ សមត្ថិច្ចចាប់ខ្លួនជនសង្ស័យម្នាក់ ធ្វើសម្មភាពឆក់កាបូប ពីអ្នកលក់កាហ្វេបានសម្រេច ដែលហេតុការណ៍នេះ បានកើតឡើងនៅវេលាម៉ោងជិត៣ រសៀល ថ្ងៃទី២៥ ខែមិថុនា ឆ្នាំ២០២០ នៅតាមបណ្តោយផ្លូវលេខ៥៩៨ សង្កាត់បឹងកក់២ ខណ្ឌទួលគោក រាជធានីភ្នំពេញ។
មុនពេលកើតហេតុ គេឃើញបុរសដែលជាជនសង្ស័យ បានមកផឹកកាហ្វេនៅហាងរបស់នារីរងគ្រោះ ដែលមានអាសយដ្ឋានដូចខាងលើ ប្រហែលវេលាម៉ោង១២ជាង បានផឹកអស់កាហ្វេ៣កែវ លុះមកដល់ម៉ោង១៥និង០០រសៀល ជនសង្ស័យបានឃើញម្ចាស់ហាងដើរទៅចូលបន្ទប់ទឹក នៅតែក្មួយ ក៏បានហៅក្មួយម្ចាស់ហាងនោះគិតលុយកាហ្វេ រួចបានឆ្លៀតឱកាសលួចឆក់កាបូប ហើយរត់ឡើងម៉ូតូគេចខ្លួនបាត់ស្រមោល។
តាមការបញ្ជាក់បន្ថែមរបស់ក្មួយស្រីម្ចាស់ហាងថា បន្ទាប់ពីឆក់កាបូបបានសម្រេច ជនសង្ស័យបានរត់ឡើងម៉ូតូម៉ាក Version ពណ៌ខ្មៅ ដែលពាក់ផ្លាកលេខ ភ្នំពេញ 1GJ-5494 ជិះទៅបាត់ ដោយខ្លួនជាស្រីខំចាប់ដែលតែមិនឈ្នះ។
ក្រោយកើតហេតុ សមត្ថកិច្ចមូលដ្ឋាន បានប្រកាសគ្រប់បណ្តាខណ្ឌឲ្យជួយមើល ភិនភាគជនសង្ស័យ ដែលពាក់អាវយឺតពណ៌ក្រហម និងខោជើងខ្លីពណ៌ខ្មៅ ហើយជិះម៉ូតូម៉ាកAuto ពណ៌ខ្មៅ។
ក្រោយមកប្រមាណជាង មួយម៉ោងក៏ត្រូវកម្លាំងរបស់ព្រហ្មទណ្ឌកម្រិតស្រាលបានឃើញនៅភិនភាគដូចខាងលើ ក៏បានដេញឃាត់ខ្លួននៅក្នុងទឹកដីមូលដ្ឋានប៉ុស្តិ៍មនោរម្យ ខណ្ឌ៧មករា ហើយបានបញ្ជូនបន្តជនសង្ស័យទៅទឹកដីកើតហេតុនៅប៉ុស្តិ៍នគរបាលបឹងកក់ទី២ ខណ្ឌទួលគោក។
បន្ទាប់ពីចាប់បានជនសង្ស័យ សមត្ថកិច្ចប៉ុស្តិ៍បឹងកក់ទី២ បាននាំខ្លួនជនរងគ្រោះ មកដាក់ពាក្យបណ្តឹងនៅប៉ុស្តិ៍បឹងកក់២ ហើយឲ្យពិនិត្យមើលកាបូបរបស់ខ្លួន មានបាត់អ្វីឬក៏អត់ ដោយតាមការបញ្ជាក់ពីខាងជនរងគ្រោះថា អត់មានបាត់អ្វីទេ ហើយនៅក្នុងកាបូបនោះ មានលុយតែម្ភៃប្រាំពីម៉ឺនជាងតែប៉ុណ្ណោះ ក្រោយពេលសមត្ថកិច្ច សួរបញ្ជាក់ពីជនរងគ្រោះរួច ក៏រៀបឯកសារ និងកសាងសំណុំរឿងបញ្ជូនបន្តទៅតុលាការ ចាត់ការតាមផ្លូវច្បាប់៕ដោយ៖ សាម៉េត
