ព្រំដែន -បន្ទាយមានជ័យ៖ មន្ត្រីប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត នាថ្ងៃទី២៥ ខែមិថុនា ឆ្នាំ២០២០ បានទទួលពលករខ្មែរ ឆ្លងដែនខុសច្បាប់ ពីអាជ្ញាធរថៃ ចំនួន ១១នាក់ និងពលរដ្ឋថៃត្រូវបញ្ជូនចាកចេញទៅវិញមានចំនួន១នាក់។
កម្លាំងនគរបាលប៉ុស្តិ៍ ធ្វើការអប់រំណែនាំ បន្ទាប់មកប្រគល់ជូនក្រុមការងារ ទទួលពលករមជ្ឈមណ្ឌលសំចតប៉ោយប៉ែត ដើម្បីធ្វើការបន្ត។
សូមបញ្ជាក់ថា មន្ត្រីនៃមជ្ឈមណ្ឌលរដ្ឋបាលកូវីដ-១៩ ដែលទទួលបន្ទុកផ្នែកសន្តិសុខ បានសម្រេចដាក់ប្រទេសថៃ នៅក្នុងក្រឹត្យគ្រាអាសន្នបន្ទាន់ សម្រាប់រយៈពេលមួយខែទៀត បន្ទាប់ពីការផុតកំណត់នៅចុងខែមិថុនា ឆ្នាំ២០២០ គឺក៏បន្តបិទច្រកទ្វារព្រំដែន (សម្រាប់ពលរដ្ឋ អ្នកដំណើរនិងភ្ញៀវទេសចរ ) ប៉ុន្តែ ចំពោះអ្នកជំងឺសង្គ្រោះបន្ទាន់ និងរថយន្តដឹកទំនិញធន់ធំ ដំណើរការជាធម្មតា ៕
ដោយ ៖ បន្ទាយ
