Wednesday, July 24, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

តើ​ផ្កាអ័រគីដេ នៅ​កម្ពុជា មាន​ប៉ុន្មាន​ប្រភេទ​?

spot_img

ក្រុម​អ្នកស្រាវជ្រាវ​ធម្មជាតិ​នៅ​កម្ពុជា​បាន​អះអាងថា ផ្កាអ័រគីដេ​នៅ​កម្ពុជា ដែលមាន​ដុះ​នៅក្នុង​ព្រៃ​នា​ដែន​ជំរក​ធម្មជាតិ​រហូតដល់​ទៅ​ជាង​៥០០​ប្រភេទ​។​

​ការសន្និដ្ឋាន​បែបនេះ​គឺ​ដោយ​សំអាង​ទៅលើ​អម្បូរ​នៃ​ផ្កាអ័រគីដេ ដែល​គេ​បាន​មើលឃើញ​នៅក្នុង​ដែន​ជម្រក​ធម្មជាតិ​បើទោះបីជា​ឯកសារ​វិទ្យាសាស្ត្រ និង​តួលេខ​ពី​ការស្រាវជ្រាវ​អំពី​រុក្ខជាតិ​ដ៏​ស្រស់ស្អាត​នេះ​ត្រូវបាន​បាត់​បង់អស់​នៅ​ក្នុងសម័យ​ខ្មែរក្រហម​ដ៏​ដោយ ។​

​ឯកសារ​ថ្មីៗ​ដែល​ធ្វើឡើង​ដោយ​អ្នកស្រាវជ្រាវ​ជនជាតិ​បារាំង​អាមេរិកកាំង អង់គ្លេស និង​ជនជាតិខ្មែរ​ទសវត្សរ៍​ចុងក្រោយ​នេះ បាន​ឲ្យ​ដឹងថា ផ្កាអ័រគីដេ​នេះ គឺមាន​ដុះ​នៅក្នុង​តំបន់ភ្នំ និង​តាម​បណ្តោយ​ព្រៃ​ដែលមាន​អ័ព្ទ​តំបន់​ត្រូ​ពិ​ក​ក្រាស់ និង​តំបន់​វាល​ល្បប់​ពិសេស​មួយ​នៅ​បឹង​ទន្លេសាប​។​

​ផ្កាអ័រគីដេ ប្រមាណ​ជា ៤០% ត្រូវបាន​រកឃើញ​នៅ​តំបន់​ជួរ​ភ្នំ​ក្រវ៉ា​ញ ៣៥%​គឺ​រកឃើញ​នៅក្នុង​តំបន់ឆ្នេរ ១៣%​នៅ​តំបន់​ព្រៃ​ស្ងួត និង​១០%​ទៀត​ត្រូវបាន​គេ​រកឃើញ​នៅ​តំបន់​ប្រសព្វ​គ្នា​របស់​ទន្លេមេគង្គ ។​

​ផ្កាអ័រគីដេ​នេះ គឺជា​ឈ្មោះ​ដែល​ខ្មែរ​សម័យ​ទំនើប​គេ​ហៅ​និយម​ទៅតាម​ភាសាបរទេស​តែប៉ុណ្ណោះ ហើយ​ភាគច្រើន​គេ​គិតថា វា​គឺជា​ពូជ​ផ្កា​ដែល​មិនមាន​វត្តមាន​នៅក្នុង​ប្រទេស ។ គេ​គិតថា ជា​ប្រភេទ​ផ្កា​ដែល​ត្រូវបាន​នាំចូល​មកពី​បរទេស​តែ​ប៉ុន្តែ​តាម​ឯកសារ​ពិត​ផ្កា​នេះ​មានឈ្មោះ​ជា​ភាសា​ខ្មែរ និង​មាន​ឆ្លាក់​នៅលើ​ជញ្ជាំង​ប្រាសាទបុរាណ​ថែមទៀត​ផង​។​

​ឯកសារ​នៃ​ប្រ​វត្ត​ផ្កាអ័រគីដេ​នៅក្នុង​ព្រៃ​ធម្មជាតិ​នៃ​ប្រទេស​កម្ពុជា​គឺមាន​ឆ្លាក់​នៅលើ​ជញ្ជាំង​ប្រាសាទបន្ទាយស្រី និង​អង្គរវត្ត​កាលពី​៧០០​ឆ្នាំមុន ដោយ​ខ្មែរ​បាន​ហៅ​ផ្កា​នេះ​ថា ផ្កា​កេស​កុល ។​

​មកដល់ពេលនេះ​ផ្កា​កេស​កុល ឬ​ផ្កាអ័រគីដេ នៅក្នុង​ដែន​ជម្រក​ធម្មជាតិ​នៅក្នុង​ប្រទេស​កំពុងតែរ​ង​នូវ​ការបាត់បង់​ផងដែរ ដោយសារតែ​ការកាប់​ឆ្ការព្រៃ ដើម្បី​ធ្វើ​កសិកម្ម ហើយ​និង​ការកើនឡើង​នូវ​តម្រូវការ​នៃ​ការធ្វើ​ពាណិជ្ជកម្ម​ខុសច្បាប់​ដែល​តម្រូវ​ឲ្យ​មានការ​ការពារ ហើយនឹង​សិក្សា​ស្រាវជ្រាវ​បន្ថែមទៀត​នៅមុន​ពេលដែល​ពពួក​ផ្កា​ទាំងនេះ​បាន​ត្រូវ​បាត់បង់​ពី​ព្រៃ​ធម្មជាតិ ៕​ស្រីមុំ

spot_img
×