Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

កម្ពុជា​ប្រើ​វិធាន​ការបិទ​ច្រកទ្វា​រឆ្ល​ង​កាត់​ព្រំដែន​ជា​បណ្ដោះអាសន្ន ដោយមាន​ការឯកភាព​រវាង​ប្រទេសជិតខាង ក្នុងការ​ប្រយុទ្ធប្រឆាំង​មេរោគ​កូ​វីដ​១៩​ក្នុង​វិស័យ​ដឹកជញ្ជូន

spot_img

​ភ្នំពេញ​៖ នៅ​ថ្ងៃទី​១៦ ខែកក្កដា ឆ្នាំ​២០២០ នៅ​ទីស្ដីការក្រសួង ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង ដឹកជញ្ជូន បាន​ដឹកនាំ​គណៈប្រតិភូ​ក្រសួង​ចូលរួម​កិច្ចប្រជុំ​រដ្ឋមន្ត្រី​ដឹកជញ្ជូន​អាស៊ាន​-​ចិន តាមរយៈ​វីដេអូ​ពី​ចម្ងាយ​ទាក់ទង​នឹង​វិធានការ​ប្រយុទ្ធប្រឆាំង​មេរោគ​កូ​វីដ​១៩​ក្នុង​វិស័យ​ដឹកជញ្ជូន (the ASEAN-CHINA Transport Ministers’ meeting on COVID-19)​។

​កិច្ចប្រជុំ​នេះ​ដឹកនាំ​ដោយ​សហប្រធាន ឯកឧត្ដម Dato Abdul Mutalib Yusof រដ្ឋមន្ត្រីក្រសួង​ទំនាក់ ទំនង​ព័ត៌មាន​និង​ដឹកជញ្ជូន​នៃ​ប្រទេស​ព្រុយ​ណេ និង​ឯកឧត្ដម Li Xiaopeng រដ្ឋមន្ត្រីក្រសួង​ដឹកជញ្ជូន នៃ​សាធារណរដ្ឋ​ប្រជាមានិត​ចិន ដោយ​ផ្តោតជាសំខាន់​លើ​វិធានការ​ប្រយុទ្ធ​ប្រឆាំងនឹង​មេរោគ​កូ​វីដ​១៩ ក្នុង​វិស័យ​ដឹកជញ្ជូន​។​

​ថ្លែង​ទៅកាន់​អង្គប្រជុំ​នាឱកាស​នោះ ឯកឧត្ដម​ទេសរដ្ឋមន្ត្រី​បាន​គូសបញ្ជាក់ថា​៖ កម្ពុជា​បាន​រកឃើញ​អ្នក ផ្ទុកមេរោគ​កូ​វីដ​១៩​លើកដំបូង​នៅ​ថ្ងៃទី​២៧ ខែមករា ឆ្នាំ​២០២០​ជា​ករណី​នាំចូល គិត​រហូតមក​ដល់ពេលនេះ​កម្ពុ​ជាមាន​អ្នក​ឆ្លង​មេរោគ​នេះ​ចំនួន​១៦៦​ករណី ក្នុងនោះ​អ្នកជំងឺ​ចំនួន​១៣៣​នាក់​ត្រូវ​បានជា​សះ ស្បើយ​៣៣​នាក់​កំពុង​ទទួល​ការព្យាបាល​។ ដោយឡែក អ្នកស្លាប់​ដោយសារ​មេរោគ​នេះ​មិនទាន់​កើតមាន នៅឡើយ​ទេ​។

​ឯកឧត្ដម​ទេសរដ្ឋមន្ត្រី​ក៏បាន​លើកឡើង​ផងដែរ​អំពី​វិធាន​ការបិទ​ច្រកទ្វា​រឆ្ល​ង​កាត់​ព្រំដែន​ជា​បណ្ដោះអាសន្ន ដោយមាន​ការឯកភាព​រវាង​ប្រទេសជិតខាង ក្នុងនោះ​មានការ​អនុវត្តតាម​គោលការណ៍​ចំនួន​បី​ចំណុច ទីមួយ​ត្រូវ​ផ្ទេរ​ទំនិញ​ពី​រថយន្ត​ដឹកទំនិញ​របស់​ប្រទេស​នាំចេញ​ទៅកាន់​រថយន្ត​ដឹកទំនិញ​របស់​ប្រទេស នាំចូល​នៅត្រង់​ទីតាំង​កំណត់​មួយ ទី​ពីរ​ត្រូវ​ប្ដូរ​រ៉ឺម៉ក​សណ្ដោង​នៅត្រង់​ទីតាំង​កំណត់​នោះ និង​ទី​បី កំណត់​ចំនួន​រថយន្ត​ចេញចូល​ច្បាស់លាស់​តាម​ពេល​ម៉ោង​ជាក់លាក់ និង​ការកំណត់​ចំនួន​មនុស្ស​ច្រើន បំផុត​ក្នុង​មួយ​រថយន្ត​ចំនួន​ពីរ​នាក់ ដើម្បី​ទប់ស្កាត់​ការរីក​រាលដាល​មេរោគ​នេះ​។​

​ជាមួយគ្នា​នោះដែរ ឯកឧត្ដម​ទេសរដ្ឋមន្ត្រី​បាន​បន្តថា​៖ មេរោគ​កូ​វីដ​១៩ បាន​ជះឥទ្ធិពល​អវិជ្ជមាន​ដល់​វិស័យ​ដឹកជញ្ជូន​ទាំង​ផ្លូវគោក ផ្លូវទឹក និង​ផ្លូវអាកាស​នៅ​ទូទាំង​ពិភពលោក​រួមទាំង​កម្ពុ​ជា​ផងដែរ និង​ធ្វើឱ្យ​វិស័យនេះ​មានការ​ធ្លាក់ចុះ​គួរឱ្យកត់សម្គាល់ ពោលគឺ​នៅក្នុង​រយៈពេល​៦​ខែ​ដើមឆ្នាំ​២០២០​នេះ កម្ពុជា ទទួលបាន​អ្នកដំណើរ​ចំនួន​១,៩៥ លាន​នាក់ ធ្លាក់ចុះ​៦៨% និង​ទំនិញ​ចំនួន​២៥.០០០ តោន ធ្លាក់ចុះ​៣០% ប្រៀបធៀប​នឹង​រយៈពេល​ដូចគ្នា​ក្នុង​ឆ្នាំ​២០១៩​។​

​ឯកឧត្ដម​ទេសរដ្ឋមន្ត្រី បាន​មានប្រសាសន៍ថា​៖ ផលិតផល​ក្នុងស្រុក​សរុប​របស់​ក​ម្ពុ​ជា​ត្រូវបាន​គេ​ប៉ាន់ ប្រមាណ​ថា​មាន​កំណើន​អវិជ្ជមាន​៥,៥% នៅ​ឆ្នាំនេះ​ធៀប​នឹង​កំណើន​វិជ្ជមាន​ជា​មធ្យម​៧%​ក្នុង​រយៈពេល​២០​ឆ្នាំ​ចុង​ក្រោយនេះ ហើយ​វិស័យ​ដែល​រង​ផលប៉ះពាល់​ច្រើនជាងគេ​គឺ​វិស័យ​ទេសចរណ៍ និង​វិស័យ​កាត់ ដេរ​។

​ស្របពេល​ជាមួយគ្នានេះដែរ រាជរដ្ឋាភិបាល​កម្ពុជា​បាន​ចាត់វិធានការ​មួយចំនួន​ដើម្បី​ជំរុញ​សេដ្ឋកិច្ច និង​គាំទ្រ​ដល់​វិស័យ​ឯកជន​ក្នុងកំឡុងពេល​មាន​ជំងឺ​រាតត្បាត​នេះ ក្នុងនោះ​រួមមាន​ការបង្កើត​កម្មវិធី​សង្គម ផ្សេងៗ​ជាច្រើន​ដើម្បី​ចូលរួម​កាត់បន្ថយ​ការលំបាក​របស់​ប្រជាពលរដ្ឋ​ដែល​ងាយ​រងគ្រោះ​បំផុត ហើយ​រំពឹងថា​អត្រាកំណើន​ផលិតផល​ក្នុងស្រុក​សរុប​នឹង​កើន​ឡើងដល់​ប្រហែល​៥% នៅ​ឆ្នាំក្រោយ​។​

​ជាងនេះទៀត ឯកឧត្ដម​ទេសរដ្ឋមន្ត្រី បាន​គូសបញ្ជាក់ថា​៖ ទោះបី​ជាមាន​ឥទ្ធិពល​អវិជ្ជមាន​ពី​មេរោគ​កូ​វីដ​១៩ ទៅលើ​សេដ្ឋកិច្ច​របស់​កម្ពុជា​ក៏ដោយ ក៏​រាជរដ្ឋាភិបាល​នៅតែ​បន្ត​កសាង​ហេដ្ឋារចនាសម្ព័ន្ធ​ដើម្បី​ជួយ​អភិវឌ្ឍ​សេដ្ឋកិច្ចសង្គម កាត់បន្ថយ​ថ្លៃដើម​នៃ​ការដឹកជញ្ជូន និង​ភស្តុភា​រកម្ម​ផងដែរ​។

​ឯកឧត្ដម​ទេសរដ្ឋមន្ត្រី​បាន​ថ្លែងអំណរគុណ និង​ការកោតសរសើរ​យ៉ាង​ជ្រាលជ្រៅ​ចំពោះ​ដៃគូ​អភិវឌ្ឍន៍ និង​វិស័យ​ឯកជន ដែល​បាន​បន្ត​សាងសង់​ផ្លូវ និង​ស្ពាន​ជាច្រើន​ខ្សែ និង​ផ្លូវ​ល្បឿន​លឿន​ត​ភ្ជាប់​ពី​ភ្នំពេញ​ទៅ កំពង់ផែ​សមុទ្រ​ក្រុងព្រះសីហនុ​ផងដែរ​៕ ដោយ​៖​កូ​ឡាប​

spot_img
×