ភ្នំពេញ៖បុរសម្នាក់បើករថយន្តស៊េរីទំនើបក្នុងល្បឿនលឿនបានជ្រុលចង្កូតទៅបុករះរថយន្ត៤ គ្រឿងរួចជ្រុលទៅបុកផ្ទះប្រជាពលរដ្ឋរងការខូចខាតស្ទើរទាំងស្រុង។
ហេតុការណ៍នេះដែរកើតឡើងនៅវេលាម៉ោង ១១ និង ៣០នាទីយប់ ថ្ងៃសុក្រទី១៧ ខែកក្កដា ឆ្នាំ២០២០ នៅតាមបណ្តោយផ្លូវ ១៧៤ ក្នុងសង្កាត់ផ្សាថ្មី ៣ ខណ្ឌដូនពេញ រាជធានីភ្នំពេញ។
បើយោងតាមប្រភពពីប្រជាពលរដ្ឋបានឲ្យដឹងថា មុនពេលកើតហេតុគាត់បានឃើញរថយន្ត៤គ្រឿង ដែលចតចោលនៅតាមបណ្តោយផ្លូវ១៧៤ ស្រាប់តែភ្លាមនោះដែរ គាត់បានឃើញរថយន្ត ford ranger មួយគ្រឿងពណ៌ស ដែលពាក់ផ្លាកលេខ ភ្នំពេញ 2BC 9378 ធ្វើដំណើក្នុងទិសដៅ ពីកើត មកលិច បើកម្នាក់ឯងក្នុងល្បឿនលឿន ស្រាប់តែមកដល់ចំណុចកើតហេតុទៅបុករថយន្ត lexus 570 ស៊េរីទំនើបដែលពាក់ផ្លាកលេខ 2BB 2899 ពេញទំហឹងរួចជ្រុលទៅបុករថយន្ត៣ គ្រឿងទៀត ជ្រុលទៅបុកកញ្ចក់ទ្វារផ្ទះប្រជាពលរដ្ឋ រួចក៏បានគាបរថយន្តជាប់នៅនឹងកញ្ចក់ទ្វារនោះទៅ។
ពេលកើតហេតុភ្លាមៗ មិនមានរងរបួសដល់ប្រជាពលរដ្ឋ និងអ្នកដំណើទេ រងការខូចខាតតែកញ្ចក់មួយផ្ទាំង និងរថយន្ត ៤គ្រឿងហើយម្ចាស់រថយន្តបង្ករត់គេចខ្លួនបាត់ស្រមោលបន្សល់ទុកតែរថយន្ត។
ក្រោយពេលកើតហេតុ សមត្ថកិច្ចមូលដ្ឋាន ចុះមកដល់រួចទាក់ទងទៅខាងជំនាញចរាចរណ៍ក្រុង ចុះមកវាសវែង និងយករថយន្តស្ទូចដើម្បីស្ទូចយករថយន្តទាំង ៤គ្រឿងយកទៅរក្សាទុក នៅស្នងការក្រុងរង់ចាំដោះស្រាយនៅពេកក្រោយ៕
ដោយ៖ សា មេត
