ភ្នំពេញ៖ នៅវេលាម៉ោងជិត៥ល្ងាច ថ្ងៃទី១៨ ខែកក្កដា ឆ្នាំ២០២០នេះ អគ្គិភ័យកំពុងឆេះផ្ទះលក់ហ្គាសយ៉ាងសន្ធោសន្ធៅ នៅសង្កាត់បឹងរាំង ខណ្ឌដូនពេញ រាជធានីភ្នំពេញ។
ក្នុងហេតុការណ៍គ្រោះអគ្គិភ័យនេះ ក៏មានមនុស្សកំពុងជាប់នៅខាងក្នុងផ្ទះខាងលើ និងស្លាប់ម្នាក់ ខណៈម្នាក់បានរត់ចេញក្រៅទាំងភ្លើងឆេះពេញមុខ។ កម្លាំងសមត្ថកិច្ចជាច្រើននាក់កំពុងចេញអន្ដរាគមន៍ដើម្បីជួយសង្គ្រោះ។
នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានរាយការណ៍ព័ត៌មានបឋមថា នៅរសៀលថ្ងៃសៅរ៍ ទី១៨ ខែកកក្កដា ឆ្នាំ២០២០ វេលាម៉ោង ០៤និង៣០ នាទី មានករណីអគ្គិភ័យ ១ ករណី នៅផ្ទះលេខ៣៦ ផ្លូវ៦៣ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ផ្ទះលក់ហ្គាស និងលក់ត្រី ។ មូលហេតុគឺមកពីផ្សារដែក ។ អគ្គិភ័យនេះ មានមនុស្សស្លាប់ចំនួន ១ នាក់ ហើយប្រើប្រាស់រថយន្តពន្លត់អគ្គិភ័យក្រសួងមហាផ្ទៃ ៤ គ្រឿង៕
ដោយ៖ផាន់ណា
