ភ្នំពេញ÷បុរសម្នាក់សង្ស័យស្រវឹងបើករថយន្តរេចង្កូតបួងជ្រុលឡើងលើទ្រូងផ្លូវបណ្តាលឲ្យរងការខូចខាតតែរថយន្តយ៉ាងដំណំ។
ហេតុការណ៍នេះកើតឡើងនៅវេលាម៉ោង ១០ និង ៣០ នាទីយប់ ថ្ងៃសៅរ៍ទី១៨ ខែកក្កដា ឆ្នាំ ២០២០ នៅតាមបណ្តោយផ្លូវ២១៧ ក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
ក្នុងហេតុការណ៍គ្រោះថ្នាក់ចរាចរណ៍នេះដែរម្ចាស់រថយន្តរត់គេចខ្លួនបាត់ស្រមោលហើយមិនបង្ករបួសស្នាមដល់បងប្អូនប្រជាពលរដ្ឋ ណាមួយនោះទេ។
យោងតាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តម៉ាក ហាយ ឡែនឌ័រមួយគ្រឿង ដែលពាក់ផ្លាកលេខ ភ្នំពេញ 2-AU 0997 ធ្វើដំណើក្នុងទិសដៅពីជើង មកត្បូង ក្នុងលឿនលឿនរួចបានរេចង្កូតពីចំងាយមកឡើងនិងទ្រូងផ្លូវ រងការខូចខាតយ៉ាងដំណំ។
ក្រោយពេលកើតហេតុសមត្ថកិច្ចមូលដ្ឋា នចុះមកដល់រួចទាក់ទងទៅខាងជំនាញចរាចរណ៍ផ្លូវគោកឲ្យចុះមកធ្វើការវាស់វែងយករថយន្តទៅរក្សាទុកនៅស្នងការក្រុងរង់ចាំដោះស្រាយនៅពេលក្រោយ៕ ដោយ៖ សា មេត
