ភ្នំពេញ៖ ស្រីស្អាតម្នាក់បើករថយន្តក្នុងល្បឿនលឿន បានជ្រុលចង្កូតទៅបុកថ្មពុះចែកទ្រូវផ្លូវរងការខូចខាត ផ្ទៃខាងមុខយ៉ាងដំណំ ខណៈមេឃកំពុងធ្លាក់ភ្លៀងយ៉ាងខ្លាំង។ ហេតុការណ៍នេះដែរកើតឡើងនៅវេលាម៉ោង ១២ និង ១០ នាទីយប់ ឈានចូលថ្ងៃសុក្រទី២៤ ខែកក្កដា ឆ្នាំ២០២០ នៅតាមបណ្តោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បើយោងតាមប្រភពព័ត៌មានពីកន្លែងកើតហេតុ បានបញ្ជាក់ថា មុនពេលកើតហេតុគេបានឃើញស្ត្រីម្នាក់បើករថយន្តម៉ាកព្រូស មួយគ្រឿង ដែលពាក់ផ្លាកលេខ ភ្នំពេញ 2AI 7811 ធ្វើដំណើក្នុងទិសដៅពីត្បូង មកជើង លោះដល់ត្រង់ចំណុចកើតហេតុ ក៏បានជុលចង្កូតទៅបុកនឹងថ្មទ្រូងផ្លូវពេញទំហឹង បណ្តាលឲ្យរងការខូចខាតផ្ទៃខាងមុខយ៉ាងដំណំផងដែរ ហើយជនរងគ្រោះបានបញ្ជាក់ថា មកពីគាត់ភ្នែកមីញ៉ូប ទើបរាងស្រវាំងជ្រុលទៅបុកនឹងទ្រូងផ្លូវតែម្តង។
ក្នុងហេតុការណ៍គ្រោះថ្នាក់ចរាចរណ៍ខាងលើ មិនមានរងរបួសដល់ម្ចាស់រថយន្តទេ ហើយមិនប៉ះពាល់ដល់ភាគីផ្សេងទេ រងការខូចខាតតែរថយន្ត។
ក្រោយពេលកើតហេតុ សមត្ថកិច្ចមូលដ្ឋានចុះមកដល់ រួចទាក់ទងទៅខាងជំនាញចរាចរណ៍ ចុះមកវាស់វែងរួចយករថយន្តទៅរក្សាទុករង់ចាំដោះស្រាយនៅពេលក្រោយ ព្រោះធ្វើឲ្យខូចខាតទ្រព្យសម្បត្តិរដ្ឋ៕ ដោយ៖សា មេត
