ភ្នំពេញ ៖ គួឲ្យអាសូរណាស់ចិត្តម្តាយនិងជីដូនយំឱបសពកូនអាយុ៤ ឆ្នាំដែលបានលង់ទឹកស្លាប់ក្នុងស្រះទឹកក្នុងវត្តអង់តាមិញបង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ និងព្រះសង្ឃ។
ហេតុការណ៍នេះដែរកើតឡើងនៅវេលាម៉ោង ១០ យប់ ថ្ងៃសុក្រទី២៤ ខែកក្កដា ឆ្នាំ ២០២០ ស្ថិតនៅក្នុងវត្តអង់តាមិញ ភូមិគោកចំបក់ សង្កាត់ចោមចីទី១ ខណ្ឌពោធិ៍សែនជ័យ រាជធានីភ្នំពេញ។
សពក្មេង មានឈ្មោះ រ៉ាត់ខៃហ្វុង អាយុ ៤ ឆ្នាំកំព្រា ឪពុក មានបងប្អូន ២ នាក់រស់នៅជាមួយម្តាយ និងជីដូន មានស្រុកកំណើតនៅភូមិកុកកឹល ឃុំត្បែង ស្រុកកណ្តាលស្ទឹង ខេត្តកណ្តាល បច្ចុប្បន្ន ជួលផ្ទះនៅជិតវត្តអង់តាមិញ។
បើយោងតាមការរៀបរាប់ពីជីដូនបានបញ្ជាក់ថាកាលពីព្រឹកមិញក្មេងប្រុសខៃហ្វុងប្រុងនឹងចុះទៅលេងក្នុងស្រះទឹកក្បែរនឹងម្តងរួចមកហើយតែត្រូវបានបងប្រុសបង្កើតដេញមិនឲ្យចុះទៅលេង រួចប្អូនប្រុសជនរងគ្រោះខៃហ្វុងក៏បានមកលេងជាមួយជីដូន ព្រោះម្តាយគាត់ជាប់ទៅបំពេញការងាជាកម្មការិនីរោងចក្រ ស្រាប់តែមួយសន្ទុះមកជីដូនបានជាប់រវល់តែធ្វើចង្ហាន់ឲ្យព្រះសង្ឃ ពេលប្រគេនចង្ហាន់រួចក៏បានបាត់ចៅ ហើយដើររកគ្រប់ទីកន្លែងជុំវិញក្នុងវត្តអារាមតែរកមិនឃើញ។ ពេលរកអស់ចិត្តហើយជីដូនរបស់ខៃហ្វុងបានតេទូរស័ព្ទ ទៅប្អូនប្រុសរបស់គាត់បង្កើតដែលជាគ្រូទាយ ហើយបានប្រាប់មកវិញថា កូននៅក្នុងវត្តជិតៗហ្នឹង និងប្រហែលម៉ោង ៩ ជាង ទៅម៉ោង ១០ក្មេងនោះអណ្តែតលើទឹកហើយបានផុតជីវិតបាត់ទៅហើយ ឮដូចនេះជីដូននិងម្តាយបង្កើតយំចង់ឆ្កួតហើយក៏ព្យាយាមរកបន្ត ស្រាប់តែមួយសន្ទុះប្រហែលម៉ោង ១០ ជាងក៏អណ្តែតឡើងមេន ហើយព្រះសង្ឃបាននិមន្ត ទៅមើលស្រះទឹកម្តងទៀតឃើញសពក្មេងអណ្តែតក្បាលមកមែន រួចចុះស្រង់មកលើគោក។
ក្រោយពេលកើតហេតុសមត្ថកិច្ចមូលដ្ឋា នចុះមកដល់រួចពិនិត្យទៅលើសពក្មងពិតជាលង់ទឹកស្លាប់មែន រួចបានធ្វើកំណត់ហេតុដើម្បីប្រគល់សពជូនក្រុមគ្រួសារយកទៅធ្វើបុណតាមប្រពៃណី៕ ដោយ៖សា មេត
