ភ្នំពេញ៖ កាលពីរសៀលម្សិលមិញនេះ ថ្ងៃទី២៦ ខែកក្កដា ឆ្នាំ២០២០ មានហេតុការណ៍ដ៏រន្ធត់ និងភ្ញាក់ផ្អើលមួយ ដោយស្ត្រីម្នាក់ខណៈធ្វើដំណើរចេញពីផ្ទះម្តាយក្មេក ដល់ពាក់កណ្តាលផ្លូវត្រង់ព្រៃស្ងាត់ ក៏ស្រាប់តែត្រូវចោរស្ទាក់ប្លន់ រួចសម្លាប់យ៉ាងសាវហាវព្រៃផ្សៃបំផុត។
តាមរយៈបណ្តាញសង្គមហ្វេសប៊ុក ស្ត្រីរងគ្រោះត្រូវបានដឹងថាមានឈ្មោះ រឿន ចន្ធូ មានស្រុកកំណើតនៅភូមិ ថ្លុកឈើទាល នៅខាងកើតផ្សារស្ពឺ។
យ៉ាងណាមិញ អ្វីដែលធ្វើឲ្យយើងគ្រប់គ្នាកាន់តែសង្វេករន្ធត់ចិត្តជាខ្លាំងនោះ គឺត្រង់ថា ប្តីរបស់ស្ត្រីរងគ្រោះទើបស្លាប់ដោយសារឆក់ខ្សែភ្លើងមិនបានប៉ុន្មានខែផង ឥឡូវនេះ ដល់រូបនាងជាប្រពន្ធ ត្រូវស្លាប់ជាបន្ត ដោយបន្សល់កូនស្រីអាយុ ២ ឆ្នាំ ត្រូវរស់នៅកំព្រាឪពុកម្តាយទាំងពុំទាន់ដឹងក្តីគួរឲ្យស្រណោះបំផុត។
នេះបើតាមគណនីហ្វេសប៊ុកឈ្មោះ Chim Channa បានប្រាប់ឱ្យដឹងថា៖ «ប្ដីខ្សែភ្លើងឆក់ស្លាប់ ទើបតែបាន៣ខែ ប្រពន្ធមកពីលេងផ្ទះម៉ែក្មេកចោរប្លន់ស្លាប់ នៅកូនស្រីអាយុ២ខួបនៅរស់ ពាក់កណ្ដាលផ្លូវវេលាម៉ោង ៤ រសៀលនៅស្ពឺ»។
បន្ថែមពីនោះ ក៏មានគណនីហ្វេសប៊ុកឈ្មោះ Mrr Pov Sarath ក៏បានបង្ហោះសារដ៏រំជួលចិត្តផងដែរថា៖ «R I P អាយុខ្លី្លម្ល៉េះប្អូនស្រីអើយ ប្តីស្លាប់មិនបានប៉ុន្មានផង ឥឡូវប្រពន្ធស្លាប់ទៀត ទុកឲ្យកូនតូចកំព្រាឪពុកម្តាយទាំងនៅក្មេង សូមប្អូនកើតជាតិណាៗ កុំឲ្យអាយុខ្លីដូចជាតិនេះទៀត។ សូមឲ្យវិញ្ញាណក្ខន្ធប្អូនទៅឲ្យបានសុខចុះ ឃាតករដែលសម្លាប់ ប្អូនវាមិនរួចខ្លួនទេ»៕ ដោយ៖ លឹម ហុង