ខេត្តព្រះសីហនុ៖លោកឧត្តមសេនីយ៌ទោជួន ណារិន្ទស្នងការនគរបាលខេត្តឱ្យដឹងថា នគរបាលជំនាញបានបង្ក្រាប ឃាត់ខ្លួនជនសង្ស័យ៦នាក់(ស្រី១នាក់) ជាជនជាតិខ្មែរ ពាក់ព័ន្ធនឹងករណីចោរកម្ម(លួចម៉ូតូដោយកាច់បំបែកសោក)និងទទួលផលនៃអំពើលួច ព្រមទាំងដកហូតម៉ូតូចំនួន១២គ្រឿង។
របាយការណ៏បញ្ជាក់ថានៅថ្ងៃទី២៤ កក្កដា ២០២០វេលាម៉ោង៤:០០នាទី ទៀបភ្លឺ មានករណីចោរកម្ម(លួចកាច់បំបែកសោកម៉ូតូ)មួយកើតឡើង ដោយបានធ្វើសកម្មភាពកាច់ បំបែកសោកម៉ូតូ១គ្រឿង ម៉ាកសេ១២៥ ផលិតឆ្នាំ២០២០ ពណ៌ ខ្មៅ ពាក់ផ្លាកលេខ តាកែវ1U-7523 ដែលជនរងគ្រោះចតទុកក្នុងរោងការដ្ឋានសំណង់ ស្ថិតនៅភូមិ១ សង្កាត់១ ក្រុង-ខេត្តព្រះ សីហនុ រួចជិះគេខ្លួនបាត់ ។
បន្ទាប់ពីទទួលបានបណ្តឹងរបស់ជនរងគ្រោះ កម្លាំងជំនាញផែនការងារនគរបាលព្រហ្មទណ្ឌ បានសហការជាមួយកម្លាំងអធិការដ្ឋាននគរបាលក្រុងព្រះសីហនុ និងកម្លាំងប៉ុស្តិ៍នគរបាលសង្កាត់ទាំង៤ ក្រុងព្រះសីហនុ ធ្វើការស្រាវជ្រាវយ៉ាងយកចិត្តទុកដាក់ រហូតដល់ថ្ងៃទី២៧ កក្កដា ២០២០ ទើបកម្លាំងសមត្ថកិច្ចយើងបង្ក្រាបចាប់ខ្លួនបានជនសង្ស័យ ព្រមទាំងជនសមគំនិតទទួលផលសរុប៦នាក់ (ស្រី១នាក់) ជាបន្តបន្ទាប់ ព្រមទាំងធ្វើការដកហូតបានម៉ូតូ១២គ្រឿង ជាផលនៃអំពើចោរកម្ម ។
ជនសង្ស័យទាំង៦នាក់៖ ១-ឈ្មោះ ចេង មករា ហៅ ព្រិច ភេទប្រុស អាយុ ២៧ឆ្នាំ មុខរបរ មិនពិតប្រាកដ មានទីលំនៅ ក្រុម៣៥ ភូមិ៣ (ទំនប់រលក) សង្កាត់១ ក្រុង-ខេត្តព្រះសីហនុ (ជនសកម្មក្នុងការប្រព្រឹត្តិបទ ល្មើស) ។ ២-ឈ្មោះ ស៊ាម កី ភេទប្រុស អាយុ១៤ឆ្នាំ មុខរបរ មិនពិតប្រាកដ មានទីលំនៅក្រុម៣៥ ភូមិ៣ (ទំនប់រលក) សង្កាត់១ ក្រុង-ខេត្តព្រះសីហនុ (ជនសកម្មក្នុងការប្រព្រឹត្តិបទល្មើស) ។ ៣-ឈ្មោះ ខេង ស្រីលីន ហៅ ញិន ភេទស្រី អាយុ ២៧ឆ្នាំ មុខរបរ មិនពិតប្រាកដ មានទីលំនៅ ភូមិ១ សង្កាត់១ ក្រុង-ខេត្តព្រះ សីហនុ(បក្ខពួក) ។ ៤-ឈ្មោះ កង ឧត្តម ហៅ ឡឹង ភេទប្រុស អាយុ ៣៥ឆ្នាំ មុខរបរ លកទូរស័ព្ទ មានទីលំនៅ ភូមិ១ សង្កាត់១ ក្រុង-ខេត្តព្រះសីហនុ (ទទួលផលនៃអំពើលួច) ។៥-ឈ្មោះ កែវ កុសល ភេទប្រុស អាយុ ២៣ឆ្នាំ មុខរបរ លាងម៉ូតូ មានទីលំនៅ ភូមិ១ សង្កាត់១ ក្រុង-ខេត្តព្រះសីហនុ (ទទួលផលនៃអំពើលួច) ។ ៦-ឈ្មោះ អឿន រ៉ាដូ ហៅ ណូ ភេទប្រុស អាយុ ២៩ឆ្នាំ មុខរបរ ជាងជួសជុលរថយន្ត មានទីលំនៅ ភូមិ១ សង្កាត់១ ក្រុង-ខេត្តព្រះសីហនុ(ទទួលផលនៃអំពើលួច) ។
វត្ថុតាងចាប់យកបាន៖ -ម៉ូតូជាផលនៃអំពើលួច១២គ្រឿង៖
១-ម៉ាក អាសង់ ស៊េរីឆ្នាំ២០២០ ពណ៌ខ្មៅ បិតតែមពណ៌ស
២-ម៉ាក ZOOMER X ពណ៌ក្រហម-ខ្មៅ
៣-ម៉ាក ZOOMER X ពណ៌ស-ទឹកក្រូច
៤-ម៉ាក ZOOMER X ពណ៌ក្រហម-ស
៥-ម៉ាក ស្កុបពីរ ពណ៌ស បិតតែមពណ៌ផ្ទៃមេឃ
៦-ម៉ាក ស្កុបពីរ ពណ៌ខ្មៅ បិតតែមពណ៌ក្រហម
៧-ម៉ាក NEXT ពណ៌ស-ខៀវ
៨-ម៉ាក NVX ពណ៌ខ្មៅ
៩-ម៉ាក NVX ពណ៌ខ្មៅ បិតតែពណ៌ទឹកក្រូច
១០-ម៉ាក BEAT ពណ៌ក្រហម-ខ្មៅ
១១-ម៉ាក វីនន័រ ពណ៌ខ្មៅ
១២-ម៉ាក ស៊ីរ៉ុស ពណ៌ខ្មៅ ។ ផ្លាកលេខម៉ូតូ ៦សន្លឹក សោច្នៃ កាច់បំបែកសោកម៉ូតូ១ដើម សោខ្សៀ សម្រាប់តសោច្នៃ កាច់បំបែកសោកម៉ូតូ១ដើម និងសម្ភារៈផ្សេងៗមួយចំនួនទៀត ។
ករណីនេះកម្លាំងជំនាញកំពុងបន្តតាមនីតិវិធីបញ្ជូនទៅសាលាដំបូងខេត្ត ៕ ដោយ៖កូឡាប
