ភ្នំពេញ ÷យុវជន២នាក់គឺ បានស្លាប់ បាត់បង់ជីវិតម្នាក់ និងម្នាក់ទៀតរងរបួសធ្ងន់បន្ទាប់ពីជិះម៉ូតូឌុបគ្នាក្នុងទិសដៅបញ្ច្រាសគ្នាត្រូវរថយន្តស៊េរីទំនើបបើកដោយជនជាតិចិនបុកចំពីមុខពេញទំហឹង បណ្តាលឲ្យស្លាប់ភ្មាមៗ រីឯម្នាក់ទៀតរបួសធ្ងន់បញ្ជូនយកទៅសង្គ្រោះបន្ទាន់។
ហេតុការណ៍នេះដែរកើតឡើងនៅវេលាម៉ោង៩និង១០នាទីយប់ថ្ងៃទី២៧ ខែកក្កដា ឆ្នាំ២០២០ ស្ថិតតាមបណ្ដោយផ្លូវជាតិលេខ៤ ចំណុចអូឌឹមសង្កាត់ចោមចៅ៣ ខណ្ឌពោធិ៍សែនជ័យរាជធានីភ្នំពេញ។
សពយុវជនមិនទាន់ស្គាល់អត្តសញ្ញាណនៅឡើយ។
យោងតាមប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញជនជាតិចិន បើករថយន្តទំនើបមួយគ្រឿងម៉ាកBMW ពណ៌ទឹកប្រាក់ពាក់ផ្លា កលេខភ្នំពេញ 2-BD 1698 ធ្វើដំណើរក្នុងទិសដៅពិកើតទៅលិចបោះពួយយ៉ាងលឿន ខណៈមកដល់ចំណុចកើតហេតុខាងលើក៏ជ្រុលចង្កូតទៅបុកម៉ូតូម៉ាកឌ្រីមសង់ពណ៌ខ្មៅពាក់ផ្លាក លេខភ្នំពេញ2GT 2089 ជិះដោយយុវជនពីរនាក់ក្នុងទិសដៅពីលិចទៅកើតល្បឿនលឿនដូចគ្នា ស្រាប់តែមកដល់ចំណុច កើតហេតុក៏ត្រូវរថយន្តបើកជ្រុលទៅបុកចំពីមុខ ពេញទំហឹងបណ្ដាលឲ្យយុវជនម្នាក់ស្លាប់ភ្លាមៗ និងអ្នករួមដំណើររងរបួសធ្ងន់ត្រូវបញ្ជូនទៅសង្គ្រោះជីវិត។
ក្រោយកើតហេតុសមត្ថកិច្ចមូលដ្ឋានសហការជាមួយជំនាញវាស់វែង យករថយន្តនិងម៉ូតូយកទៅរក្សាទុកនៅការិយាល័យចរាចរណ៍ផ្លូវគោកស្នងការរាជធានីភ្នំពេញ រង់ចាំដោះស្រាយតាមផ្លូវច្បាប់។
ដោយឡែកសពយុវជនខាងលើក្រោយពីសមត្ថកិច្ចធ្វើកំណត់ហេតុរួច ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕ដោយ៖ សា មេត
