ភ្នំពេញ÷យុវជនម្នាក់មិនស្គាល់អត្តសញ្ញាណនោះទេបើករថយន្តមួយគ្រឿងម៉ាកសុីណាពណ៌ទឹកប្រាក់បើកបរក្នុងល្បឿនយ៉ាងលឿនហើយរេចង្កូតទៅបុកបង្គោលភ្លើងបណ្តាលឲ្យរងការខូចខាតខ្ទេចអស់មួយកំណាត់
ខាងមុខទៅមុខលែងរួច។
ហេតុការណ៍នេះបានកើតឡើងកាលពីវេលាម៉ោង4នឹង00នាទីទៀបភ្លឺឈានចូលថ្ងៃទី៣០ ខែកក្កដា ឆ្នាំ២០២០ តាមបណ្តោយផ្លូវ ៣៣៥ នៅចំណុចមុខផ្ទះលេខ43 ស្ថិតនៅក្នុងសង្កាត់បឹងកក់ទី២ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីសាក្សីដែលឃើញហេតុការណ៍បានឲ្យដឹងថាមុនពេលកើតហេតុខាងលើនេះគេបានឃើញយុវជនម្នាក់មិនស្គាល់អត្តសញ្ញាណនោះទេបើករថយន្តស៊េរីទំនើបម៉ាកសុីណាពណ៌ទឹកប្រាក់ពាក់ផ្លាកលេខ
ភ្នំពេញ2T1962បើកបរតាមបណ្តោយផ្លូវ335ក្នុងទិសដៅពីត្បូងទៅជើងលុះពេលបើកមកដល់ចំណុចកើតហេតុខាងលើនេះដោយសារតែបើកបរនេះក្នុងល្បឿនយ៉ាងលឿនដូចហោះហើយរេចង្កូតជ្រុលទៅបុកបង្គោលភ្លើងវៀចអស់មួយដើមនឹងផើមផ្កាបាក់អស់៣ផើមរីឯរថយន្តបង្កវិញរងការខូចខាតខ្ទេចអស់កំណាត់ខាងមុខនឹងធ្លាក់កាងមុខចេញពីគ្នាថែមទាំងផ្ទុះពោងខាងតៃកុងទៅមុខលែងរួចសំណាងល្អហើយដែលមិនមានអ្នករងរបួសគ្រាន់តែខូចខាតសម្ភាររបស់រដ្ឋតែប៉ុណ្ណោះភ្លាមៗនោះដែលម្ចាស់អ្នកបើកបររថយន្តបានទុករថយន្តចោលហើយឡើងជិះឡានមិត្តភក្តិ គេចខ្លួនបាត់ស្រមោលបន្សល់ទុកនៅតែរថយន្តបង្កនៅនឹងកន្លែងកើតហេតុ។
ក្រោយពេលកើតហេតុខាងលើនេះរថយន្តបង្កត្រូវបានសមត្ថកិច្ចជំនាញចរាចរណ៍ធ្វើការវាស់វែងយកទៅ
រក្សាទុកនៅអធិការដ្ឋាននគរបាលខណ្ឌទួលគោកដើម្បីរង់ចាំដោះស្រាយគ្នានៅពេលក្រោយទៀត៕ ដោយ៖សា មេត
