ភ្នំពេញ៖ ទារិកាទើបកើតថ្មីៗ បានធ្វើឲ្យអ្នកប្រើប្រាស់បណ្តាញសង្គម បានបង្ហាញអារម្មណ៍អាណិតខ្លោចចិត្ត ខណៈទារិកាដ៏អភ័ព្វនេះត្រូវបានកម្មករប្រមូលសំរាម ប្រទះឃើញនៅលើគំនរសំរាមជាប់បង្គោលភ្លើងមួយកន្លែង នៅជិតមជ្ឈមណ្ឌលម៉ូឌែន២ ផ្លូវជាតិលេខ២ សង្កាត់ចាក់អង្រែក្រោម កាលពីយប់ថ្ងៃទី៣ខែសីហាឆ្នាំ២០២០។
ទោះយ៉ាងណា ទារិកានេះពិតជាជីវិតថ្លៃណាស់ ដែលត្រូវបានគេប្រទះឃើញ និងជួយសង្គ្រោះយកចេញពីគំនរសំរាមទាន់ពេល ដោយពុំដឹងថា ឪពុកម្តាយចិត្តអប្រិយរូបណា យកមកបោះចោលតាំងពីពេលណាមកនោះទេ។
ដោយក្តីអាណិតអាសូរជាពន់ពេកក្រៃ ទារិកាទើបបានឃើញពន្លឺព្រះអាទិត្យនេះ ត្រូវបានប្តីប្រពន្ធដ៏មានចិត្តធម៌មួយ បានទទួលយកទៅចិញ្ចឹមទុកដូចកូនបង្កើត ទាំងអារម្មណ៍រំជួលចិត្ត និងក្តីត្រេកអរយ៉ាងខ្លាំង នេះបើតាមរយៈវីដេអូដែលពួកគាត់បាននិយាយ៕ ដោយ៖ លឹម ហុង
