ចំនួនអ្នកដោយសារតែការផ្ទុះដ៏កក្រើកនៅក្នុងទីក្រុង Beirut រដ្ឋធានីរបស់ប្រទេសលីបង់ បានកើនឡើងដល់យ៉ាងតិច ១៣៥នាក់ ខណៈដែលអ្នករងរបួសបានកើនដល់ប្រហេល ៥.០០០នាក់។ មនុស្សជាច្រើនកំពុងបាត់ខ្លួនផងដែរ។
ក្រុមជួយសង្គ្រោះកំពុងតែបន្តប្រតិបត្តិការស្វែងរកអ្នកដែលបាត់ខ្លួន នៅក្រោមគំនរបាក់បែក បន្ទាប់ពីមានការផ្ទុះដ៏ខ្លាំងនៅកំពង់ផែ។ ចំនួនអ្នកស្លាប់នឹងអាចកើនឡើងទៀត។
គេមិនទាន់ដឹងច្បាស់ពីមូលហេតុដែលបណ្តាលឲ្យមានការផ្ទុះដ៏រញ្ជួយនោះឡើយ ប៉ុន្តែមន្ត្រីលីបង់និយាយថា ការឆេះពាក់ព័ន្ធនឹងសារធាតអាម៉ូញ៉ូមនីត្រាត (ammonium nitrate) ទម្ងន់ ២.៧៥០តោន ដែលត្រូវបានរឹបអូស និងរក្សាទុកដោយគ្មានសុវត្ថិភាព នៅក្នុងឃ្លាំងមួយនៅកំពង់អស់រយៈពេល ៦ឆ្នាំ។
អភិបាលក្រុង Beirut លោក Marwan Abboud បាននិយាយថា ប្រជាជនរហូតដល់ ៣០០.០០០នាក់បានបាត់បង់ផ្ទះពួកគេ ហើយអាជ្ញាធរកំពុងធ្វើកិច្ចការដើម្បីជួយផ្តល់អាហារ ទឹក និងទីជម្រកសម្រាប់អ្នកទាំងនោះ។
ប្រធានាធិបតីលីបង់បានធ្វើការដាក់ប្រទេស ក្នុងគ្រោះអាសន្នរយៈពេល ២សប្តាហ៍ និងប្រកាសកាន់ទុក្ខរយៈពេល ៣ថ្ងៃដោយចាប់ផ្តើមពីថ្ងៃពុធម្សិលមិញ ក្រោយពេលមានព្រឹត្តិការណ៍ផ្ទះដ៏រន្ធត់។
លោកប្រធានាធិបតីក៏បានប្រកាសថា រដ្ឋាភិបាលនឹងបញ្ចេញថវិការសង្គ្រោះបន្ទាន់ចំនួន ៦៦លានដុល្លារ៕
អត្ថបទប្រែសម្រួលដោយ៖ សុភ័ក្រ
ប្រភព៖ aljazeera
