សៀមរាប៖ អធិការដ្ឋាននគរបាលក្រុងសៀមរាប បានសហការជាកម្លាំងអធិការដ្ឋាននគរបាលក្រុងស្ទឹងសែន ធ្វើឃាត់ខ្លួនជនសង្ស័យម្នាក់ឈ្មោះធឿន ម៉ៅ ភេទប្រុស អាយុ១៨ឆ្នាំ មុខរបរ មិនពិតប្រាកដ ទីលំនៅ ភូមិ បុស្សក្រឡាញ់ សង្កាត់ ជ្រាវ ក្រុង.ខេត្ត សៀមរាប ពាក់ព័ន្ធនឹងករណីអំពើលួចយកម៉ូតូ និងលុយ របស់មិត្តភក្ដិ នៅវេលាម៉ោង៥និង៣០នាទីថ្ងៃទី៩ ខែ សីហា ឆ្នាំ២០២០ ស្ថិតនៅចំណុច មុខបន្ទប់ជួល ក្រុមទី ភូមិតាភុល សង្កាត់ស្វាយដង្គំ ក្រុង/ខេត្តសៀមរាប ដោយជនសង្ស័យខាងលើ (ធឿន ម៉ៅ) បានធ្វើសកម្មភាពលួចយកម៉ូតូ១គ្រឿងម៉ាក ហុងដា ឌ្រីម សេ១២៥ ពណ៌ ខ្មៅ ស៊េរីឆ្នាំ ២០១៩ ពាក់ផ្លាកលេខ សៀមរាប 1AE-0175 លេខតួ+លេខម៉ាស៊ីន ៥៤៣៣២២៥ និង លុយចំនួន ២០ម៉ឺនរៀល របស់ជនរងគ្រោះឈ្មោះ លី សុវណ្ណដារ៉ា ភេទ ប្រុស អាយុ ២០ឆ្នាំ មុខរបរ សិស្ស ។
ក្រោយទទួលព័ត៌មានពីជនរងគ្រោះថា មានករណីលួចម៉ូតូ កម្លាំងអធិការដ្ឋាននគរបាលក្រុងសៀមរាប បានចាត់ចែងផ្ដល់ព័ត៌មានពីភិនភាគជនសង្ស័យ និងភិនភាគម៉ូតូផ្លាកលេខដល់ទៅអធិការដ្ឋាននគរបាលក្រុងស្ទឹងសែនទើប
ម៉ោង៩និង០០នាទីព្រឹក ថ្ងៃខែឆ្នាំដដែល ប្រទះជនសង្ស័យខាងលើ បានជិះម៉ូតូលើដងផ្លូវជាតិលេខ6 ភូមិសាស្ត្រក្រុងស្ទឹងសែន ហើយកម្លាំងអធិការដ្ឋានក្រុងស្ទឹងសែនខេត្តកំពង់ ប្រទះឃើញជនសង្ស័យបានកាក់ ពិនិត្យឃើញថាត្រូវតាមតម្រុយ ដូចដែលទទួលបានពីក្រុងសៀមរាបផ្ដល់ក៏ សម្រេចធ្វើការឃាត់ខ្លួន ទុកដើម្បីឲ្យកម្លាំងនៃអធិការដ្ឋាននគរបាលក្រុងសៀមរាប ឡើងពិនិត្យសាកសួរជនសង្ស័យ ក្រោយការសាកសួរជនសង្ស័យបានសារភាពថា ខ្លួនពិតជាបានលួចម៉ូតូ និងលុយរបស់មិត្តភក្ដិពិតប្រាកដមែន។
ករណីនេះក្រោយទទួលជនសង្ស័យពីអធិការដ្ឋាននគរក្រុងស្ទឹងសែនគឺ លោកអធិការនគរបាលក្រុងសៀមរាប បានឲ្យកម្លាំងផ្នែកព្រហ្មទណ្ឌ និងប៉ុស្ដិ៍នគរបាលរដ្ឋបាលស្វាយដង្គុំ ធ្វើការកសាងសំណុំរឿងតាមនីតិវិធី បញ្ជូនជនសង្ស័យ ទៅសាលាដំបូងខេត្តធ្វើការផ្ដន្ទាទោសតាមផ្លូវច្បាប់ ។
ចំណែវត្ថុតាង(ម៉ូតូ)ជនរងគ្រោះបាន ដាក់ពាក្យស្នើសុំយកទៅគ្រប់គ្រងថែរក្សានិងប្រើប្រាស់វិញ។
ក្នុងនាមអធិការដ្ឋាននគរបាលក្រុង សូមធ្វើការសំណូមដល់ប្រជាពលរដ្ឋ ក្នុងមូលដ្ឋានមេត្តាប្រុងប្រយ័ត្ន ថែរក្សាវត្តុមានតម្លៃ និងមធ្យោបាយគ្រប់ប្រភេទឲ្យបានល្អ ពិសេសម៉ូតូពេលឈប់ត្រូវចាក់សោ ក និងទិញសោសុវត្ថិភាពចាក់បន្ថែម ព្រោះនៅមានមុខសញ្ញាសេសសល់ដទៃទៀត ដែលសមត្ថកិច្ចកំពុងស្រាវជ្រាវ តាមចាប់យកមកធ្វើការផ្ដន្ទាទោសមិនបាន៕
ដោយ៖កូឡាប
