ស្រ្តីជាកម្មករអនាម័យម្នាក់ ត្រូវបានបញ្ជូនទៅកាន់មន្ទីរពេទ្យជាបន្ទាន់ បន្ទាប់ពីនាងបានរងរបួសពីការវាយដុំយ៉ាងសាហាវ ដោយស្រ្តីចិត្តកំណាចម្នាក់ ដែលបានផ្ទុះកំហឹងចំពោះនាងដែលបានធ្វើឲ្យទឹកប្រឡាក់ប្រឡូកស្បែកជើងតម្លៃថ្លៃរបស់ខ្លួន នៅឯផ្សារអាហារសមុទ្រ ស្ថិតក្នុង Sanya កោះ Hainan ប្រទេសចិន ។
អ្នកឈរមើលដែលបានឃើញអំពើហិង្សានេះផ្ទាល់ភ្នែក បាន BTime ថា ហេតុការណ៍នេះបានចាប់ផ្តើម នៅពេលស្រ្តីអនាម័យដែលពុំត្រូវបានបញ្ចេញម្នាក់នោះ ចៃដន្យ បានធ្វើសាចទឹក ដាក់លើស្រ្តីអ្នកមានម្នាក់ដែលកំពុងឈរ និងវាក៏បានធ្វើឲ្យប្រឡាក់ស្បែកជើងរបស់ស្រ្តីរូបនេះ ។ ប៉ុន្តែ បន្ទាប់ពីបានដឹងថា ខ្លួនមានកំហុស ស្រ្តីអនាម័យនោះក៏បានសុំទោស និងនិយាយថា នាងមិនបានដឹងថា ស្រ្តីរូបនោះកំពុងឈរនៅទីនោះទេ ។
ទោះយ៉ាងណា ជំនួសឲ្យការទទួលយកនូវការសុំទោស ស្រ្តីចិត្តកំណាចរូបនោះ ស្រាប់តែស្ទុះទៅប្រើអំពើហិង្សាវាយដុំនាងនៅត្រង់ក្បាលយ៉ាងសាហាវតែម្តង ។ ខណៈពេលនោះ ស្រ្តីអ្នកមានរូបនេះ នៅបានលឺស្រែកខ្លាំងៗថា នឹងគ្មានផ្លូវស្រ្តីអនាម័យដ៏ថោកទាបនេះ សងសម្រាប់ការខូចខាតរបស់ខ្ញុំឡើយ ព្រោះស្បែកជើងរបស់ខ្ញុំថ្លៃណាស់ ។
បន្ទាប់ពីការវាយប្រហារ ខ្សែវីដេអូឃ្លីបពីហេតុការណ៍នេះ ត្រូវបានដកហូតដោយប៉ូលីស ខណៈស្រ្តីរងគ្រោះត្រូវបានបញ្ជូនទៅកាន់មន្ទីរពេទ្យជាមួយរបួសឈាមហូរស្រោចខ្លួន ។
អ្នកលេងអ៊ីនធើរណេតជាច្រើន បានបញ្ចេញកំហឹងនូវអ្វីដែលបានកើតឡើង ។ អ្នកលេងម្នាក់បានខមិនថា៖ «ស្លៀកពាក់ស្បែកជើងសុទ្ធតែម៉ាកថ្លៃៗ ប៉ុន្តែ គ្មានបេះដូង និងក្តីមេត្តាអីសូម្បីបន្តិចឡើយ!» ៕ ចន្ទី
