ភ្នំពេញ៖ ក្រសួងពាណិជ្ជកម្ម បានប្រកាសពីតម្លៃលក់រាយប្រេងឥន្ធនៈថ្មី ដែលត្រូវអនុវត្ត ពីថ្ងៃទី១ ដល់ថ្ងៃទី១៥ ខែកញ្ញា ឆ្នាំ២០២០ នឹងចុះមក ៣.០៥០រៀលក្នុងមួយលីត្រ សម្រាប់សាំងធម្មតា EA92 និង ២.៧៥០ រៀលក្នុងមួយលីត្រ សម្រាប់ប្រេងម៉ាស៊ូត ។
ក្រសួងដដែល បានបន្តថា ផ្អែកតាមតម្លៃមធ្យមប្រេងឥន្ធនៈលើទីផ្សាអន្តរជាតិ ថ្លៃលក់រាយប្រេងឥន្ធនៈពីថ្ងៃទី១ ដល់ ១៥ ខែកញ្ញា ឆ្នាំ២០២០ នឹងត្រូវលក់ ៣.២៣៧រៀល ក្នុងមួយលីត្រ សម្រាប់សាំងធម្មតា EA92 និង ២.៩៣២រៀល ក្នុងមួយលីត្រ សម្រាប់ប្រេងម៉ាស៊ូត។
ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅ កម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចុះតម្លៃលក់វាយប្រេងឥន្ធនៈនៅកម្ពុជា ចំនួន៤សែនដុល្លារ ក្នុងមួយលីត្រ ។ ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី១ ដល់ ១៥ ខែកញ្ញា ឆ្នាំ២០២០ នឹងចុះមក ៣.០៥០រៀលក្នុងមួយលីត្រ សម្រាប់សាំងធម្មតា EA92 និង ២.៧៥០ រៀលក្នុងមួយលីត្រ សម្រាប់ប្រេងម៉ាស៊ូត ។
សូមបញ្ជាក់ថា ក្រសួងពាណិជ្ជកម្មមិនមែនជាអ្នកកំណត់ថ្លៃលក់រាយប្រេងឥន្ធនៈនៅកម្ពុជាទេ គឺក្រសួងគ្រាន់តែស្រង់ តម្លៃឡើង-ចុះ នៃប្រេងតាមទីផ្សារអន្តរជាតិ មកគណនាតាមប្រកាសដូចមានក្នុងឯកសារយោងខាងលើតែប៉ុណ្ណោះ៕ដោយ៖កូឡាប
