ភ្នំពេញ ៖ ថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី១៦ ដល់៣០ ខែកញ្ញា ឆ្នាំ២០២០ នឹងចុះមក២.៩៥០រៀល /លីត្រ សម្រាប់សាំងធម្មតា EA92 និង ២.៦០០រៀល /លីត្រ សម្រាប់ប្រេងម៉ាស៊ូត ។
ក្រសួងពាណិជ្ជកម្ម បានចេញប្រកាសព័ត៌មានថា ផ្អែកតាមតម្លៃមធ្យមប្រេងឥន្ធនៈលើទីផ្សាអន្តរជាតិ ថ្លៃលក់រាយប្រេងឥន្ធនៈពីថ្ងៃទី១៦ ដល់៣០ ខែកញ្ញា ឆ្នាំ២០២០ នឹងត្រូវលក់៣.១៣៨រៀល/១លីត្រ សម្រាប់សាំងធម្មតា EA92 និង ២.៧៩១រៀល/លីត្រ សម្រាប់ប្រេងម៉ាស៊ូត។
ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅ កម្ពុជា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជា ចំនួន៤សែនដុល្លារលីត្រ ។ ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី១៦ ដល់៣០ ខែកញ្ញា ឆ្នាំ២០២០ នឹងចុះមក២.៩៥០រៀល /លីត្រ សម្រាប់សាំងធម្មតា EA92 និង ២.៦០០រៀល /លីត្រ សម្រាប់ប្រេងម៉ាស៊ូត ៕ដោយ៖កូឡាប
