ពាក្យ​មួយ​ឃ្លា​ដ៏​មានន័យ​របស់​កញ្ញា សូ​ឡា សង្ឃឹមថា​គ្រប់គ្នា​គួរ​គិតពិចារណា​ឡើងវិញ​….

​ភ្នំពេញ​៖ ជាការ​ពិតណាស់ ជីវិត​សត្វលោក​នៅលើ​ភពផែនដី​នេះ កើត​ចាស់​ឈឺ​ស្លាប់​ជា​ក្រឹ​ត​ក្រម​ច្បាប់ធម្មជាតិ​តាក់តែង គ្រាន់តែ​យូរ និង​ឆាប់​ប៉ុណ្ណោះ​។ ប៉ុន្តែ បើ​យើង​ម្នាក់ៗ​នៅមាន​ជីវិត គួរ​ឲ្យ​ណាស់​ចែករំលែក​នូវ​ក្តី​ស្រឡាញ់​ឲ្យ​គ្នា​ទៅវិញទៅមក ហើយ​សាង​តែ​អំពើ​ល្អ នោះ​ជាការ​ប្រសើរ​ខ្លាំងណាស់ ព្រោះថា បើទោះជា​ពេលដែល​រូបយើង​បាន​លាចាក​ទៅវិញ ក៏​កេរ្តិ៍ឈ្មោះ​របស់​យើង​នៅតែ​ដក់​ជាប់​ក្នុង​ដួងចិត្ត​អ្នក​ដែល​នៅរស់​តកូនតចៅ​រាប់​ជំនាន់​។​

​និយាយ​ដល់​រឿងនេះ​ផងដែរ ពិ​ធិ​ករ​វោហា​សព្ទ​ចាក់ទឹកមិនលិច កញ្ញា សូ​ឡា ក៏បាន​លើកយក​ពាក្យ​ឃ្លា​មួយ​ដ៏​មានន័យ «​ជីវិត​ខ្លី​ណាស់​» ដើម្បី​ជាការ​អប់រំ​ទៅដល់​មនុស្ស​ទាំងអស់គ្នា​បានដឹងថា ជីវិត​យើង​ម្នាក់ៗ​មើលមិនឃើញ​នោះទេ ហេតុនេះ​ពេល​នៅមាន​ជីវិត​គួរ​សាង​នូវ​អ្វី​អំពើ​ល្អៗ​ឲ្យ​បាន​ច្រើន​ទៅ​….​។​

​ក្នុងនោះ សូ​ឡា បាន​លើកយក​សេចក្តីស្លាប់​របស់​តារា​ប្រុស​ស្រី​ថៃ​វ័យក្មេងៗ​ប៉ុន្មាន​ដួង ដោយ​ភ្ជាប់​នឹង​ខ្លឹមសារ​ពោរពេញ​ទៅដោយ​អត្ថន័យ​យ៉ាង​ដូច្នេះ​ថា​៖ «​ឃ្លា​មួយ​បាន​ពោលថា​: ជីវិត​ខ្លី​ណាស់​: កុំ​រវល់​តែ​ខឹង ទាស់ទែង ចងគំនុំ គុំ​គួ​ន​គ្នា​អី គួរតែ​ស្រឡាញ់​រាប់អាន​គ្នា ចេះ​ថែរក្សា​គ្នា សាង​អនុស្សាវរីយ៍​ល្អៗ​ជាមួយគ្នា​ទៅវិញទៅមក​ទើប​ជីវិត​មានន័យ​!

​មើល​តារា​ថៃ​ប៉ុន្មាន​ថ្ងៃ​មកនេះ​ស្លាប់​នៅ​វ័យក្មេងៗ​:

1.​តារា​សម្តែង​ស្រី​ល្បី​ថៃ กาญจนา จินดาวัฒน์ ស្លាប់​អាយុ 62 ឆ្នាំ ដោយ​ជំងឺ​បេះដូង​.

2.​តារា​កំប្លែង​ល្បី​ថៃ บอล สายครัน ស្លាប់​អាយុ 54 ឆ្នាំ ដោយ​ជំងឺមហារីក​សួត​ព្យាបាល​ជា​ហើយ ចូល​របេង​ស៊ី​សួត​អស់​មួយ​ចំហៀង​.

3. អ្នក​អធិប្បាយ​ព័ត៌មាន​កីឡា​ថៃ​ដ៏​ល្បី​ប្រចាំ​ប៉ុ​ស្ត PPTV HD 36 โอเปิ้ล ประภาพร ស្លាប់​អាយុ ៤១​ឆ្នាំ ដោយ​ជំងឺមហារីក​.

4.​អតីត​តារា​ស្រី​ថៃ​ល្បី ក្នុង​រឿង អ្នក​ប្រដាល់​មិនដែល​ឈ្នះ ต่าย มนัสนันท์ ស្លាប់​អាយុ ៣៣ ឆ្នាំ ដោយ​ធ្លាក់ខ្លួន​ប្រើ​គ្រឿងញៀន មាន​ជំងឺ​ច្រើន​មុខ​.

​ជីវិត​មនុស្ស​ខ្លី​ណាស់ និង​មិន​ទៀងទាត់​គ្រប់ពេលវេលា អ៊ីចឹង​ពេល​មានជីវិត​ត្រូវ​រស់នៅ​និង​ប្រើប្រាស់​ជីវិត​ឲ្យ​មានន័យ​៕ ដោយ​៖ លឹម ហុង​