Monday, December 6, 2021

ចំណងអាពាហ៍ពិពាហ៍រ​បស់​អតីត​ប្រធានាធិបតី Bill Clinton កំពុង​រង្គោះរង្គើរ​

Edgard Cline អ្នកសារព័ត៌មាន​ជំនាញ​សរសេរ​ពី​គ្រួសារ Clinton ថ្មីៗ​នេះ​ឲ្យ​ដឹងថា អតីត​ប្រធានាធិបតី​អាមេរិក Bill Clinton និង​អ្នកស្រី Hillary ជា​ប្រពន្ធ​កំពុងស្ថិត​ក្នុង​សភាព​ជំនា​ស់​គ្នា​យ៉ាង​តានតឹង ។​

​តាម​នោះ​លោក Clinton មិន​ពេញចិត្ត​យ៉ាងខ្លាំង​នឹង​សៀវភៅ​កំណត់ត្រា “​រឿង​អ្វី​បានកើត​ឡើង​” ដែល​អ្នកស្រី Hillary ជា​អ្នកនិពន្ធ ។ ក្រោយពេល​អាន​សៀវភៅ​នេះ​ចប់ លោក​បាន​ដាស់តឿន កុំ​ឲ្យ​អ្នកស្រី​បោះពុម្ពផ្សាយ​វា​ភ្លាមៗ​ថា “​អ្នកស្រី​បាន​ចាញ់​” ។ ប៉ុន្តែ​អ្នកស្រី Hillary ពុំបាន​រវល់​យក​ត្រចៀក​ស្តាប់​ឡើយ ។​

លោក Clinton និង​ភរិយា​អ្នកស្រី Hillary

​ពុំ​ត្រឹមតែ​ប៉ុណ្ណោះ​ទេ តាម Edgard Cline នៅបាន​ឲ្យ​ដឹង​បន្ថែមទៀតថា ឥឡូវ​អ្នក​ទាំង​២ ស្ទើ​ពុំ​ស្តី​រកគ្នា​សោះឡើយ ប៉ុន្មាន​ខែ​មកនេះ​ក៏​ពុំ​ជួបគ្នា​ដែរ ហើយ​ការប្រាស្រ័យ​ទាក់ទង សុទ្ធសឹង​តាមរយៈ​មិត្តភក្តិ ឬ​ក្រុម​មេធាវី​របស់​ពួកគេ​ប៉ុណ្ណោះ ៕​