ភ្នំពេញ៖ តារាសម្តែងស្រីកញ្ញា ដួង ម៉ានិច ដែលទស្សនិចជនជាច្រើនស្គាល់ច្បាស់តាមរយៈទេពកោសល្យសម្តែងខ្សែរភាពយន្ត និងMV ជាច្រើននោះ បន្ទាប់ពីរៀងស្ងាត់មុខពីសីល្បៈមួយរយៈ ស្រាប់តែកាលពីថ្ងៃម្សិលមិញបានបង្ហោះរូប៣សន្លឹក ធ្វើឲ្យអ្នកគាំទ្រលាន់មាត់សរសើរ ដោយសារតែមានសម្រស់ស្រស់ស្អាតសប្លែក។
មុននិងទទួលបានប្រជាប្រិយភាពនិងមានទស្សនិចជនស្គាល់ច្រើនដូចសព្វថ្ងៃនេះ គឺដោយសារការខិតខំព្យាយាមក្នុងអាជីបរបស់នាង។ ជាក់ស្តែងពេលសម្តែងរឿងមួយៗ ដួង ម៉ានិច ត្រូវទស្សនិចជនវាយតម្លៃថា សម្តែងបានល្អ មានការព្យាយាមនិងលះបង់ ទោះក្នុងប្លង់ថើប ឬត្រូវថតផ្សាយពាណិជ្ចកម្មកណ្តាលថ្ងៃត្រង់ នៅសមុទ្រ ក៏នាងប្រឹងអស់ពីសមត្ថភាព ដើម្បីឲ្យការងារចេញមកល្អ រហូតដល់ពេលខ្លះត្រូវដើរ និងដេកហាលថ្ងៃឲ្យសម្បុរខ្មៅស៊ីនឹងស្ពតពាណិជ្ជកម្មជាដើម។ បន្ទាប់ពីទទួលស្ពតលើកនោះហើយ ដួង ម៉ា និច ពិតជាប្រែសម្បុរមែន គឺខ្មៅរលោងតែម្តង ដែលត្រូវឲ្យនាងចំណាយពេលយូរក្នុងការថែររក្សារស្បែកឲ្យវិលមកសភាពដើមវិញ។
ហើយនៅពេលដែលនាងបានបញ្ចេញរូបថត៣សន្លឹក ដែលបង្ហាញពីសាច់សខ្ចី មុខមាត់ស្រស់ថ្លាជាងមុន នៅលើបណ្តាញសង្គម ក៏ធ្វើឲ្យអ្នកគាំទ្ររបស់នាងយល់ថា ក្រោយពីរៀងស្ងាត់មុខមួយរយៈពីសីល្បៈ ទំនងជានាងរវល់ផ្តោតទៅលើសម្រស់ ដោយការថែរក្សាស្បែកវិញ ទើបបានជាស្រស់ស្អាតប្លែកបែបនេះ៕ ដោយ៖ កូលាប ក្រហម
