ព្រះសីហនុ៖ ករណីអំពើចោរកម្មឃើញថាមួយរយៈចុងក្រោយនេះ នៅលើបណ្តាញសង្គមជនរងគ្រោះតែងបង្ហោះឲ្យឃើញជាពិសេសពីហេតុការណ៍ចោរគាស់ផ្ទះចូលលួចរបស់ទ្រព្យយកទៅដោយសុវត្ថិភាព ដែលធ្វើឲ្យប្រជាពលរដ្ឋមានការព្រួយបារម្ភជាខ្លាំង ព្រោះថាពួកចោរធ្វើសកម្មភាពបានយ៉ាងរលូន ហាក់គ្មានខ្លាចរអាសមត្ថកិច្ចសោះឡើយ។
ជាក់ស្តែងៗ កាលពីវេលាម៉ោងជាង ៤ នាទី ទៀបភ្លឺថ្ងៃទី២៥ ខែកញ្ញា ឆ្នាំ២០២០ នេះ មានករណីចោរគាស់ផ្ទះអ្នកកំពង់សោមទៀតហើយ (លើកទី៤) ដោយលួចយកម៉ូតូអស់រហូតដល់ទៅ២គ្រឿង។
នេះបើយោងតាមគណនីជនរងគ្រោះដែលមានឈ្មោះ Vibol Ben បានបង្ហោះឲ្យដឹងថា ពួកគាត់បានបាត់ម៉ូតូ ២ គ្រឿង នៅវេលាម៉ោង ៤ និង ២០ នាទី នាព្រឹកថ្ងៃទី២៥ ខែកញ្ញា ឆ្នាំ២០២០ ស្ថិតនៅម្តុំឆ្នេរកោះពស់ (កំពង់សោម)។ ម៉ូតូដែលបានបាត់បង់មាន៖ ១- Zoomer X 2015 ផ្លាកលេខ ភ្នំពេញ 1GB-9534, ទី២- Zoomer X 2016 ផ្លាកលេខ ព្រះសីហនុ 1F-1500 ។
តាមរយៈនេះផងដែរ គណនីខាងលើ ក៏សូមបងប្អូនដែលបានប្រទះឃើញ ឬ មានការសង្ស័យចំពោះម៉ូតូដូចបានជម្រាបជូនខាងលើ មេត្តាជួយផ្តល់ដំណឹងផង ដោយអាចទំនាក់ទំនងតាមរយៈលេខទូរស័ព្ទៈ ០៩៣ ៣៩៥ ៣០១៕ ដោយ៖ លឹម ហុង
