រាជធានីភ្នំពេញ៖ឯកឧត្តមកិត្តិសេដ្ឋាបណ្ឌិត ឆាយ ថន អញ្ជើញថ្លែងសន្ទរកថាក្នុងសន្និសីទវីដេអូកម្រិតខ្ពស់ ស្តីពីឆ្ពោះទៅអនាគតរួមសម្រាប់ប្រទេសកំពុងអភិវឌ្ឍន៍ ៖ ការលើកកម្ពស់ការលុបបំបាត់ភាពក្រីក្រ និងការអភិវឌ្ឍប្រកបដោយចីរភាព តាមរយៈកិច្ចសហប្រតិបត្តិការត្បូង-ត្បូង រ៉ឹងមាំ។
សន្និសីទនេះបានរៀបចំឡើងតាមប្រព័ន្ធវីដេអូនារាត្រីយប់ ថ្ងៃសៅរ៍ ទី២៦ ខែកញ្ញា ឆ្នាំ២០២០ ឯកឧត្តមកិត្តិសេដ្ឋាបណ្ឌិត ឆាយ ថនទេសរដ្ឋមន្ត្រី រដ្ឋមន្ត្រីក្រសួងផែនការ អញ្ជើញថ្លែងសន្ទរកថាក្នុងសន្និសីទវីដេអូកម្រិតខ្ពស់ ស្តីពីឆ្ពោះទៅអនាគតរួមសម្រាប់ប្រទេសកំពុងអភិវឌ្ឍន៍ ៖ ការលើកកម្ពស់ការលុបបំបាត់ភាពក្រីក្រ និងការអភិវឌ្ឍប្រកបដោយចីរភាព តាមរយៈកិច្ចសហប្រតិបត្តិការត្បូង-ត្បូង រ៉ឹងមាំ ។
សន្និសីទនេះរៀបចំឡើងដោយភាគីចិន ក្នុងនាមជាម្ចាស់ផ្ទះនៃកិច្ចប្រជុំ ដោយមានការអញ្ជើញចូលរួមពីឯកឧត្តមវ៉ាង យី ទីប្រឹក្សារដ្ឋនិងជារដ្ឋមន្ត្រីការបរទេសនៃសាធារណរដ្ឋប្រជាមានិតចិន, តំណាងអង្គសហប្រជាជាតិ ដឹកនាំដោយ ឯកឧត្តម លូ ជិនមីន អគ្គលេខាធិការរងអង្គការសហប្រជាជាតិ ទទួលបន្ទុកកិច្ចការសេដ្ឋកិច្ចនិងសង្គមកិច្ច និងបណ្តាថ្នាក់ដឹកនាំ រដ្ឋមន្ត្រីនៃបណ្តាប្រទេស ចំនួន១១ផ្សេងទៀត អញ្ជើញចូលរួមផងដែរ៕ដោយ៖ឡេង បញ្ញាឬទ្ធិ
