ភ្នំពេញ៖ ដូចដែលបងប្អូនមហាជនបានទទួលជ្រាប និងរំជួលចិត្តអាណិតស្រណោះជាខ្លាំង ចំពោះបុរសជាជាងកាត់សក់ម្នាក់ដែលត្រូវបានអ្នកជិតជាមន្ត្រីនគរបាលមានចិត្តសាហាវម្នាក់ បានដកកាំភ្លើងបាញ់ប្រហារ១គ្រាប់ បណ្តាលឲ្យស្លាប់បាត់បង់ជីវិតភ្លាមៗ ស្ថិតនៅមុខហាងកាត់សក់របស់ខ្លួន ស្ថិតនៅចំហៀងសាលាបឋមសិក្សាទួលគោក ក្នុងសង្កាត់បឹងកក់ទី២ ខណ្ឌទួលគោក កាលពីវេលាម៉ោងប្រមាណ ១១ យប់ ថ្ងៃទី២៦ ខែកញ្ញា ឆ្នាំ២០០២។
ជនរងគ្រោះមានឈ្មោះ សុខ សុកេន អាយុ ៣៩ ឆ្នាំ មានមុខរបរជាងកាត់សក់។ ចំណែកជនដៃដល់ជាមន្ត្រីនគរបាល បានកំពុងរត់គេចខ្លួន ខណៈសមត្ថកិច្ចកំពុងតាមប្រមាញ់ដើម្បីនាំយកមកាត់ទោសទៅតាមផ្លូវច្បាប់។
ការបាត់បង់ជីវិតរបស់ជនរងគ្រោះ ដែលជាជំហរសម្រាប់គ្រួសារទាំងមូល គឺបានបន្សល់កូនស្រីៗចំនួន៤នាក់ក្នុងនោះ កូនស្រីទី១ អាយុ១១ឆ្នាំ កូនស្រីទី២ អាយុ៩ឆ្នាំ កូនស្រីទី៣ អាយុ៥ឆ្នាំ និងកូនស្រីទី៤ អាយុ១ឆ្នាំ។
ដោយឡែក ក្រឡេកមកមើលទិដ្ឋភាពនាវេលាចុងក្រោយរបស់សពជនរងគ្រោះ ឃើញថាពិតជាគួរឲ្យស្រណោះសង្វេកខ្លាំងណាស់ ដែលស្ថិតក្រោមសម្រែកទ្រហោយំយ៉ាងខ្លាំងពីកូនៗប្រពន្ធ សាច់ញាតិ និងសូម្បីបងប្អូនជិតខាងចូលរួមដង្ហែក៏ពុំបានទប់ទឹកភ្នែកបានដែរ ព្រោះតែពួកគាត់មិនអាចទទួលយកបានចំពោះការបាត់បង់ជីវិតរបស់ជនរងគ្រោះ ដោយសារអំពើបាញ់ប្រហារបែបនេះ។
អ្វីដែលកាន់តែក្តុកក្តួលរំជួលខ្លាំងបំផុតទៀតនោះ គឺនៅខណៈពេលសពជនរងគ្រោះរៀបចំត្រូវបានរំលាយ ក៏ស្រាប់តែព្រលឹងរបស់គាត់បានចូលសណ្ឋិតក្នុងខ្លួនបុរសម្នាក់ ដោយស្រែកទ្រហ៊ោយំខ្លាំងៗនឹកស្រណោះប្រពន្ធកូន និងផ្តាំផ្ញើឲ្យប្រពន្ធ និងឪពុកមា ជួយមើលថែកូនៗ និងឪពុកម្តាយរបស់គាត់ផង គាត់លាហើយ…។
ជាមួយគ្នានេះផងដែរ ស្ត្រីជាប្រពន្ធដែលមានគណនីហ្វេសប៊ុកឈ្មោះ ក៏បានបង្ហោះសារតបទៅប្តីសម្លាញ់យ៉ាងក្តុកក្តួលថា៖ «បែកគ្នារហូតហើយប្តីសម្លាញ់ អូនសន្យានឹងមើលថែកូនទាំងបួនឲ្យបានល្អ សូមវិញ្ញាណក្ខខ្ធបងទៅឲ្យបានសុខចុះ លារហូតហើយលាគ្មានជួប» ៕ដោយ៖ លឹម ហុង
