ភ្នំពេញ៖ ជីវិតមនុស្សយើងម្នាក់ៗសង្ខារមិនទៀទនោះទេ កើតចាស់ឈឺស្លាប់ជាក្រិត្យក្រមច្បាប់ធម្មជាតិកំណត់ ដែលគ្មានអ្នកណាម្នាក់អាចគេចរួចពីសេចក្តីស្លាប់បានឡើយ។ រាល់ការជួបជុំទាំងអស់ គឺនឹងមានពេលវេលាណាមួយ ដែលនឹងត្រូវបែកគ្នាជារៀងរហូត ។ ប៉ុន្តែ ការលាទៅវិញចំពោះអ្នកខ្លះ គឺសឹងតែមិនអាចឲ្យគ្រួសារទទួលយកបានឡើយ ព្រោះតែការស្លាប់នោះឆាប់លឿនពេក។
ជាក់ស្តែង កាលពីថ្ងៃទី២៨ ខែកញ្ញា ឆ្នាំ២០២០ បុរសវ័យកណ្តាលម្នាក់ ក៏បានស្លាប់បាត់បង់ជីវិតចោលក្រុមគ្រួសារសាច់ញាតិ និងប្រពន្ធកូនជាទីស្រឡាញ់ ដែលស្ទើរមិនអាចទទួលយកបាន ព្រោះតែដោយសារតែជំងឺគាំងបេះដូង។
តែយ៉ាងណា អ្វីដែលកាន់តែអាណិតអាសូរ និងក្តុកក្តួលសឹងទប់ទឹកភ្នែកពុំបាននោះ គឺខណៈឃើញក្មេងប្រុសតូចម្នាក់ ដែលជាកូនបង្កើតនៃសព បានអង្គុយក្បែរសពឪពុករបស់ខ្លួន ញ៉ាំបាយបណ្តើរស្រែកហៅឪពុកបណ្តើរ ដោយមិនដឹងថាឪពុករបស់ខ្លួនបានទទួលមរណភាពទៅហើយនោះទេ។ ក្មេងប្រុសរូបនោះ បន្ទាប់មកក៏បានដើរទៅដាស់ឪពុកឲ្យងើបឡើងមកពិសារបាយ ដែលឃើញហើយគួរឲ្យសង្វេកខ្លាំងណាស់ ប៉ុន្តែ គាត់មិនអាចងើបឡើងបានទេ គាត់លង់លក់ទៅជារៀងរហូតហើយ។
ក្នុងនោះ គណនីហ្វេសប៊ុកឈ្មោះ ឈុន ហេង ក៏បានបង្ហោះវីដេអូដ៏រំជួលចិត្ត និងភ្ជាប់សំណេរមួយយ៉ាងក្តុកក្តួលថា៖ «កូនហៅប៉ាឲ្យងើបញ៉ាំបាយ ប៉ាលែងដឹងហើយកូន»៕ ដោយ៖ លឹម ហុង
