ភ្នំពេញ៖តារាចម្រៀងជួរមុខក្នុងប្រទេសកម្ពុជា៣ដួង គឺអ្នកនាង សុគន្ធ នីសា លោក ណុប ប៉ាយ៉ារិទ្ធ និងលោក ឆន សុវណ្ណារាជ ប្លែកខ្លាំងស្ទើរតែ fan ចំណាំមិនបានព្រោះរូបមួយសន្លឹកដែលមានផ្ទៃមុខហាក់ក្មេងជាងវ័យដូចតារាកូរ៉េ។
យោងតាមការបង្ហោះផ្ទាល់ក្នុងគណនី instagram របស់អ្នកនាង សុគន្ធ នីសា បានបង្ហាញពីរូបភាព២សន្លឹក ជាមួយនិង caption ហៅលោក ណុប ប៉ាយ៉ារិទ្ធថា “ពូកែម្ល៉េះប្រុសកាយុង (Nopbayyareth) មើលហើយឡើងភ្ញាក់ព្រើត”។ ក្រោយការបង្ហោះ មានអ្នកគាំទ្រជាច្រើនបានចូលមកខមិនថា “ស្មានថាតារាកូរ៉េមកពីណា” អ្នកខ្លះថា “បង សុគន្ធ នីសា ស្អាតសាហាវ មើលមិនចង់ស្គាល់” អ្នកខ្លះក៏ហៅលោក ណុប ប៉ាយ៉ារិទ្ធថា បែបលេងសើចថា oppa ជាដើម។
តាមការពិតវាគ្រាន់តែជារូបកែក្នុងកម្មវិធីមួយរបស់ទូរស័ព្ទតែប៉ុណ្ណោះដែលជាលោក ណុប ប៉ាយ៉ារិទ្ធ ជាអ្នកកែរូបនោះ ហើយផ្ញើឱ្យអ្នកនាង សុគន្ធ នីសា មិនមែនពួកគាត់ទៅកែសម្ផស្សអីនោះទេ៕ ដោយ៖ កូលាប ក្រហម
