Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

អ្នកចាំទី​ក្រុមបាល់ទាត់​ឥណ្ឌូនេស៊ី​ម្នាក់​ស្លាប់ ពេល​បុក​គ្នា​ជាមួយ​មិត្ត​រួម​ក្រុម​

spot_img

អ្នកចាំទី របស់​ក្រុមបាល់ទាត់ Persela FC ដែល​ស្ថិតក្នុង​លី​គ​កំពូល​ឥណ្ឌូនេស៊ី ម្នាក់​ស្លាប់បាត់​បង់ជីវិត បន្ទាប់ពី​បាន​បុក​គ្នា​ជាមួយ​មិត្ត​រួម​ក្រុម​ម្នាក់ ក្នុងកំឡុងពេល​ប្រកួត​។​

​អ្នកចាំទី​ឈ្មោះ Choirul Huda អាយុ ៣៨​ឆ្នាំ ត្រូវបាន​គេ​បញ្ជូន​យ៉ាង​ប្រញាប់​ទៅកាន់​មន្ទីរពេទ្យ​ក្រោយពេល​ហេតុការណ៍​ជុល​គ្នា ហើយ​គាត់​បាន​ស្លាប់​នៅ​មន្ទីរពេទ្យ​តែម្តង​។​

​នៅក្នុង​សេចក្តីប្រកាស​របស់​ក្រុមបាល់ទាត់ Persela FC លោក​វេជ្ជបណ្ឌិត Yudistiro Andri Nugroho បាន​និយាយថា អ្នកចាំទី Choirul Huda រង​ការ​ប៉ះ​ទ​ង្វិ​ច​លើ​ទ្រូង និង​ថ្គាម​យ៉ាងខ្លាំង​។​

​វេជ្ជបណ្ឌិត​ដដែល​បញ្ជាក់ថា ការវិភាគ​បាន​ឲ្យ​ដឹងថា ការស្លាប់​អាច​បណ្តាលមកពី​ការ​របួស​ខួរក្បាល និង​ក​ខ្លាំង ដែល​បណ្តាលមកពី​ការ​ប៉ះ​អ​ង្គិ​ច​។​

​វេជ្ជបណ្ឌិត​និយាយទៀតថា ការប៉ះទង្គិច​ដ៏​ខ្លាំង​អាចធ្វើ​ឲ្យ​អ្នកចាំទី មាន​បញ្ហា​ការដកដង្ហើម និង​បណ្តាល​ឲ្យ​បេះដូង​ឈប់​ធ្វើ​ចលនា​។​

​គាត់​និយាយទៀតថា ក្រុមគ្រូពេទ្យ​ព្យាយាម​ជួយ​គាត់​ឲ្យ​រស់​ឡើងវិញ ប៉ុន្តែ​ក្រោយពេល​ការព្យាយាម​អស់​មួយ​ម៉ោង មិនមាន​សញ្ញា​បញ្ជាក់ថា​គាត់​អាច​រស់​នោះទេ​។​

​ក្រោយពេល​មាន​ហេតុការណ៍​ប៉ះគ្នា ការប្រកួត​នៅតែ​បន្ត​ដដែល ហើយ​ជា​លទ្ធផល​ក្រុមបាល់ទាត់ Persela FC យកឈ្នះ​ក្រុម Semen Padang ដោយ​លទ្ធផល ២ ទល់នឹង ០៕​

spot_img
×