ភ្នំពេញ៖ ពិតណាស់ ក្មេងៗដែលមានអាយុ ៣-៤ រហូតដល់ ១០ ឆ្នាំ គឺជាវ័យមួយដែលពួកគេចង់ដឹងចង់ស្គាល់នូវអ្វីៗដែលប្លែក ពោលគឺធ្វើយ៉ាងណាដើម្បីឲ្យតែពួកគេបានសប្បាយ ដោយពុំគិតថាទីកន្លែងនោះគ្រោះថ្នាក់ ឬ មិនគ្រោះថ្នាក់នោះឡើយ។
ជាក់ស្តែង ដូចករណីនេះមួយអ៊ីចឹង គឺបានធ្វើឲ្យមហាជនមានការហួសចិត្ត និងស្រៀវជំនួសយ៉ាងខ្លាំងតែម្តង ខណៈឃើញក្មេងស្រីម្នាក់ ក្នុងបងប្អូនមិត្តភក្តិរបស់នាងប៉ុន្មាននាក់ កំពុងផ្លោះឡើងពីផ្ទះរបស់ពួកគេ ទៅកាន់ដំបូលក្បឿងផ្ទះអ្នកជិតខាង ដើម្បីលេងសប្បាយៗនៅលើនោះ។ តែទោះយ៉ាងណា នេះអាចចាត់ទុកជាសំណាងល្អមួយហើយ ខណៈគេបានឮសំឡេងបុរសម្នាក់បានស្រែកចេញពីផ្ទះទល់មុខដែលទំនងជាលោក K01 ដើម្បីបញ្ឈប់សកម្មភាពក្មេងស្រីម្នាក់ឲ្យចូលមកក្នុងផ្ទះរបស់នាងវិញ ស្របពេលដែលមានក្មេងៗតូចពីរបីនាក់ទៀត ក៏កំពុងនាំគ្នាផ្លោះឡើងតាមក្រោយ។
យ៉ាងណាមិញ វីដេអូដ៏ញាក់សាច់នេះផងដែរ ត្រូវបានបង្ហោះឡើងដោយគណនីហ្វេសប៊ុកលោក K01 ដោយក្នុងនោះលោកបានសម្តែងការហួសចិត្តយ៉ាងដូច្នេះថា៖ «ឃើញហើយស្រៀវណាស់បងប្អូន សូមឪពុកម្តាយគ្រប់រូបជួយមើលថែកូនចៅ អោយបានល្អផង សូមទោសដែលធ្វើអោយរំខានភ្ញៀវ KC កន្លែងស្ទីមសូណា»៕ ដោយ៖ លឹម ហុង
