Friday, September 30, 2022

“​កុម្ម៉ង់ដូ​ពេ​ជ​ឃាត​” អាមេរិក​បាន​ទៅដល់​ឧបទ្វីប​កូរ៉េ​

spot_img

“​អង្គភាព​ពេ​ជ​ឃាត​” ចំណុះ​កងកម្លាំង​កុម្ម៉ង់ដូ Seal បស់​អាមេរិក បាន​ទៅដល់​ឧបទ្វីប​កូរ៉េ ចូលរួម​ធ្វើ​សមយុទ្ធ​រួមជាមួយ​នឹង​កូរ៉េខាងជើង ។​

​កាសែត Star របស់​អង់គ្លេស ដែល​ដកស្រង់​ប្រភពព័ត៌មាន​ការពារជាតិ​អាមេរិក​ឲ្យ​ដឹងថា អង្គភាព​ពេ​ជ​ឃាត​នេះ​បាន​មាន​វត្តមាន​លើ​នាវាមុជទឹក​ដើរ​ដោយ​ថាមពលនុយក្លេអ៊ែរ​មួយ​របស់​អាមេរិក ។​

​ថ្ងៃទី​១៣ ខែតុលា នាវាមុជទឹក​ប្រើ​ថាមពលនុយក្លេអ៊ែរ មាន​បំពាក់​កាំជ្រួច​អន្តរទ្វីប USS Michigan របស់​អាមេរិក បាន​ទៅដល់​កំពង់ផែ Busan ។ ក្រៅពីនោះ នាវា​ពិឃាត​ប្រើ​ថាមពលនុយក្លេអ៊ែរ USS Ronald Reagan ក៏បាន​ទៅដល់​កូរ៉េខាងជើង​ដែរ ។​

​ក្រៅពី​បណ្តា​នាវា​ខាងលើ នាវា​ពិឃាត​២​ផ្សេងទៀត និង​បណ្តា​ឧ​ទ្ធ​ម្ភា​ចក្រ​វាយលុក​របស់​អាមេរិក និង​ប្រព័ន្ធ​រ៉ា​ដា​តាមឃ្លាំមើល​រួម​របស់​អាមេរិក​ក៏ត្រូវ​បានដាក់​ពង្រាយ ដើម្បី​តាមដាន​រាល់​សកម្មភាព​របស់​កូរ៉េខាងជើង ។​

​កង​នាវា​លេខ ៧ របស់​អាមេរិក បានប្រកាស​អះអាងថា សមយុទ្ធ​យោធា​រួម​នេះ​គឺ​ដើម្បី​បង្កើន​សមត្ថភាព​ទាក់ទង សហប្រតិបត្តិការ ហើយ​វា​ជា​កិច្ចសហការ​ក្នុង​តំបន់​តាម​ទម្លាប់​ប្រពៃណី​ប៉ុណ្ណោះ ។​

​សមយុទ្ធ​នេះ​ប្រព្រឹត្តទៅ​ក្នុងស្ថានភាព​តានតឹង កំពុង​ឡើង​កំដៅ​នា​ឧបទ្វីប​នេះ ៕​