ប្រទេសម៉ាឡេស៊ីបានរាយការណ៍ពីករណីឆ្លងវីរុសកូវីដ១៩ថ្មីចំនួន ៣៥៤ កាលពីថ្ងៃសុក្រ (៩ តុលា)ដែលជាការធ្លាក់ចុះជាបន្តបន្ទាប់នៅក្នុងថ្ងៃទីបីនៅក្នុងការឆ្លងប្រចាំថ្ងៃខណៈដែលប្រទេសនេះពង្រីកទិសដៅបិទប្រទេសដើម្បីទប់ស្កាត់ការផ្ទុះឡើងនៃជំងឺនេះ។
យោងតាមក្រសួងសុខាភិបាលបានឲ្យដឹងថាករណីថ្មីបានបង្កើនចំនួនសរុបដល់ ១៤.៧២២ ករណី។ក្រសួងសុខាភិបាលបាននិយាយថាក្នុងចំណោមករណីថ្មីនេះ ២ករណីត្រូវបាននាំចូលនិងនៅសល់គឺជាការឆ្លងក្នុងស្រុក។
ភាគច្រើននៃករណីថ្មី – ២៧៤ ករណីត្រូវបានផ្សារភ្ជាប់ទៅនឹងរដ្ឋសាបាSabahជាមួយនឹងការឆ្លងផ្សេងទៀតដែលត្រូវបានគេរាយការណ៍នៅក្នុងសាលាហ្គ័រ (Selangor), កេដេស (Kedah) ,សារាវ៉ាក់ (Sarawak),កូឡាឡំពូ(Kuala Lumpur),ប៊ូឡាវពីណាង (Pulau Pinang),ចូហ័រ (Johor), ធឺរេនហ្គាននូ (Terengganu),នេជឺរីសេមប៊ីលែន (Negeri Sembilan), ពូត្រាចាយ៉ា (Putrajaya),ពឺរ៉ាក់ (Perak)និងឡាប៊ឿន (Labuan)។
មានអ្នកស្លាប់ថ្មីចំនួន ៦ នាក់ទៀតត្រូវបានគេរាយការណ៍ថាពួកគេទាំងអស់ជាពលរដ្ឋម៉ាឡេស៊ីមកពីសាបាធ្វើឱ្យចំនួនអ្នកស្លាប់កើនដល់ ១៥២ នាក់។អគ្គនាយក Noor Hisham Abdullah បាននិយាយនៅលើទំព័រហ្វេសប៊ុកកាលពីថ្ងៃព្រហស្បតិ៍ថា“ ឥឡូវនេះយើងបានឈានចូលដល់រលកទី ៣ នៃជំងឺកូវីដ១៩ ៕ ប្រភព៖Agencies/aa
