លោកឪពុកម្នាក់ តែងតែទៅលេងនឹងកូនស្រីរៀងរាល់អាទិត្យ ហើយគាត់បានយកលុយ 20$ ទៅលាក់តាមកន្លែងនានា ក្នុងផ្ទះរបស់កូនស្រីគាត់ ហើយទុកអោយនាងភ្ញាក់ផ្អើល។
ទោះវាជាលុយតិចតួចក៏ពិតមែនតែវាមានអត្ថន័យសម្រាប់សម្ព័ន្ធភាពគ្រួសារ ហើយវាបានបង្កើតភាពកក់ក្ដៅ និងមនោសញ្ចេតនាស្អិតរមួតរវាងកូន និងម្ដាយឪពុក។ ភាពក្រម៉ិចក្រម៉ើមក្នុងគ្រួសារ វាធ្វើអោយមនុស្សមានអារម្មរណ៍ស្រស់ស្រាយ និងបើកចិត្តទូលាយដាក់គ្នា ព្រោះវាជាច្រកទ្វារមួយដែលបណ្ដាលអោយ កូនយល់ថា ពួកគេអាចនិងនិយាយរឿងប្រាប់ទៅឪពុកម្ដាយ ដោយមិនមានការភ័យខ្លាចថា និងត្រូវការស្ដីបន្ទោសដោយគ្មានហេតុផល តែនឹងទទួលបាននូវការយល់ចិត្តហើយនិងដំបូន្មានល្អៗត្រឡប់មកវិញ។
ការដែលឪពុកម្ដាយចិញ្ចឹមកូនដោយការស្រឡាញ់ពោរពេញដោយភាពកក់ក្ដៅ និងជាពិសេសការយល់ចិត្តព្រមនិងដំបូន្មានល្អៗអោយកូនបានយកទៅគិត ដើម្បីរៀនដោះស្រាយបញ្ហាដោយខ្លួនឯង នោះហើយជាការចិញ្ចឹមកូនអោយមានភាពរឹងមាំ អោយវាចេះរស់និងប្រឈមមុខនូវគ្រប់ឧបសគ្គដោយខ្លួនឯង តែឪពុកម្ដាយនៅជាកម្លាំងចិត្ត ហើយតម្រង់ផ្លូវពួកគេជាដរាប៕ ក្ខិណី
