Thursday, March 28, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

Update ៖ ប្ដី​ទី​២ បាញ់សម្លាប់​តារាចម្រៀង សាន ស្រី​ឡៃ ដោយសារ​ភ្លើង​ប្រច័ណ្ឌ , ទូរទស្សន៍​ហង្ស​មាស នឹង​ចំណាយ​ថវិកា​ទាំងស្រុង​រៀបចំ​បុណ្យសព​

spot_img

​ភ្នំពេញ​៖ សមត្ថកិច្ច​បាន​ឲ្យ​ដឹងថា ខ្មាន់កាំភ្លើង​ដែល​បាញ់សម្លាប់​តារាចម្រៀង សាន ស្រី​ឡៃ គឺជា​ប្តី​របស់ខ្លួន (​ជា​ប្តី​ទី​២)​។ ករណី​ឈានដល់​ការបាញ់ប្រហារ​នេះ​កើតឡើង​ដោយសារ​ភ្លើង​ប្រច័ណ្ឌ​។

​គួរ​បញ្ជាក់ថា​៖​បច្ចុប្បន្ន នេះ​តារាចម្រៀង សាន ស្រី​ឡៃ មានកូន​ពីរ​នាក់ ជា​កូន​ប្តី​មុន​ឬ​ប្ដី​ដើម​។ ចំណែក​ម្តាយ នាង​ជា​ស្ត្រី​មេម៉ាយ​។ ចំណែក​ខ្មាន់កាំភ្លើង​ជា​ប្តី ដែល​បាញ់សម្លាប់​តារាចម្រៀង​សាន្ត ស្រី​ឡៃ​នេះ​ជា​បុរស​ធ្លាប់មាន​ប្រពន្ធ​និង​កូន​ហើយ​ដែរ ជា​មន្ត្រី​គយ ឈ្មោះ ជ័យ រិ​ន មាន​ស្រុកកំណើត​នៅ​ខេត្តព្រៃវែង​។​

​ចំពោះ​ករណី​ខាងលើនេះ​ស្ថានីយ៍ទូរទស្សន៍​ហង្ស​មាស នឹង​ចំណាយ​ថវិកា​ទាំងស្រុង​លើ​ការរៀបចំ​បុណ្យសព​តារាចម្រៀង សាន ស្រី​ឡៃ ដែលជា​តារាចម្រៀង​ប្រចាំ​ផលិតកម្ម​ហង្ស​មាស និង​ជា​អតីត​បេក្ខភាព The Voice Cambodia រដូវ​កាល​ទី​២​។ ក្រុមការងារ​មួយក្រុម​របស់​ក្រុមហ៊ុន បាន​ជួយ​ចាត់ចែង​រថយន្ត​ដឹក​សព និង​ចាត់ចែង​ការងារ​ពិធីបុណ្យ​សព​នៅ​វត្ត​សែន​សុខ ក្នុង​សង្កាត់​ឃ្មួញ ខណ្ឌ​សែន​សុខ​។ ចំណែក​សាកសព​ខ្មាន់កាំភ្លើង​ដែលជា​អតីត​ប្តី ត្រូវបាន​បញ្ជូនទៅ​ធ្វើបុណ្យ​នៅឯ​ស្រុកកំណើត​នៅ​ខេត្តព្រៃវែង​។​

​គួរ​បញ្ជាក់ថា​៖​អំពើ​ឃាតកម្ម​បាញ់សម្លាប់​តារាចម្រៀង​ប្រចាំ​ផលិតកម្ម​រស្មី​ហង្ស​មាស សាន ស្រី​ឡៃ ចំនួន​៣​គ្រាប់​បណ្ដាល​ឲ្យ​ស្លាប់​ភ្លាម​នៅក្នុង​មន្ទីរ​សម្រាក​ព្យាបាល វ៉ា​យ តា​ឡុង​ហ្គា ក្បែរ​ស្ថានីយ៍ទូរទស្សន៍​អប្សរា ក្នុង​ខណ្ឌចំការមន នា​ល្ងាច​ថ្ងៃទី​១៦ ខែតុលា ឆ្នាំ​២០១៧​នេះ ជនដៃដល់​ត្រូវបាន​សមត្ថកិច្ច​អះអាងថា​ជា​ប្ដី​របស់​ស្ដ្រី​រងគ្រោះ​បច្ចុប្បន្ន​ជាម​ន្ដ្រី​គយ ឈ្មោះ ជ័យ រិ​ន​។​

​ជនដៃដល់​ដែល​បាញ់សម្លាប់ សាន ស្រី​ឡៃ រួច​បាញ់សម្លាប់​ខ្លួនឯង​បណ្ដាល​ឲ្យ ដេកស្លាប់​ក្បែរ​ស្ដ្រី​រងគ្រោះ​នោះ មានឈ្មោះ ជ័យ រិ​ន អាយុ​៥៣​ឆ្នាំ ដែល​បច្ចុប្បន្ន​ជាម​ន្ដ្រី​នៅ​អគ្គនាយកដ្ឋាន​គយ និង​រដ្ឋាករ​កម្ពុជា នៃ​ក្រសួង​សេដ្ឋកិច្ច​៕​ ​ដោយ​៖​ជាលី​

 

spot_img
×