ភ្នំពេញ៖ នៅមុននេះបន្តិច តារាសម្តែង និងពិធិការិនី គឹម លីហ្សា បានធ្វើឲ្យហ្វេនៗមានការភ្ញាក់ផ្អើលជាខ្លាំង ខណៈអ្នកនាងបានបង្ហោះពីករណីឡានសាំយ៉ុង១គ្រឿង ដែលទទួលដឹកអីវ៉ាន់អនឡាញឲ្យខ្លួន ផ្ញើទៅអតិថិជននៅខាងបែកបាន ដោយមិនដឹងថាមានគំនិតស៊ីដាច់ ឬយ៉ាងណា ព្រោះថាមកទល់ពេលនេះ ម្ចាស់ឡាននោះមិនទាន់យកអីវ៉ាន់របស់នាងទៅដល់ដៃភ្ញៀវនៅឡើយទេ គឺចាប់ពីថ្ងៃទី១៤ ខែតុលា ឆ្នាំ២០២០ មកម្ល៉េះ។
ក្នុងនោះ អ្នកនាង គឹម លីហ្សា បានរៀបរាប់បញ្ជាក់នៅលើបណ្តាញសង្គមថា៖ «ឡានសាំយ៉ុងពណ៌លឿងលាយសផ្លាកលេខ ភ្នំពេញ 0743 លេខទូរស័ព្ទ 069249326 ដឹកអីវ៉ាន់ទៅខាងបែកចាន បានទទួលអីវ៉ាន់ពីខាងខ្ញុំដឹកឲ្យភ្ញៀវទៅចែកចានតាំងពីថ្ងៃ១៤ ខែតុលា ហើយអត់បានដាក់អីវ៉ាន់ឲ្យភ្ញៀវខ្ញុំទេ។
បើបងប្អូនណាស្គាល់ជួយទាក់ទងមកខាងយើងផង ព្រោះខាងខ្ញុំ និងក្រុមហ៊ុនដឹកជញ្ចូន កំពុងទាក់ទងទៅគាត់មិនបានសោះ។ បើម្ចាស់ឡានបានឃើញសូមចេញមុខដោះស្រាយជាមួយខ្ញុំ»៕ ដោយ៖ លឹមហុង
