រម្លឹកដល់ឈ្មោះ DJ ម៉ាំ នោះប្រិយមិត្តជាច្រើនប្រហែលជាបានស្គាល់ហើយ តាមរយៈការចេញ MV ច្រៀងនិងសម្តែងរួមគ្នាជាមួយអ្នកលក់ឡេអនឡាញម៉េបាយកូន១ចាយរាង និងសម្រស់ខ្ចីខ្ញាញ់ អ្នកនាង Love Riya ដែលទទួលបានការចាប់អារម្មណ៍យ៉ាងខ្លាំងកាលពីពេលកន្លងមកនេះ។
ដោយឡែក ស្រាប់តែថ្មីៗនេះ DJ ដ៏មានប្រជាប្រិយរូបនេះ បានធ្វើឲ្យអ្នកគាំទ្រសម្តែងក្តីតក់ស្លុតគ្រប់ៗគ្នា ក្រោយពីបានឃើញរូបភាព និងវីដេអូជាក់ស្តែង លោកបានជួបគ្រោះថ្នាក់ចរាចរណ៍ដ៏គួរឲ្យរន្ធត់ ក្រោយបើករថយន្តធ្លាក់ផ្លូវបណ្តាលឲ្យក្រឡាប់ឡើងខ្ទេចរថយន្តទាំងស្រុងតែម្តង។ តែសំណាងល្អណាស់ ដែលរូបលោក និងអ្នករួមដំណើរ ពុំរងគ្រោះថ្នាក់ធ្ងន់ធ្ងរ ដោយគ្រាន់តែរបួសស្រាលប៉ុណ្ណោះ។
នេះបើតាមគណនីឈ្មោះ ចាន់ មករា តារាកន្ទ្រឹម ដែលត្រូវជាមិត្តភក្តិ បានបង្ហោះប្រាប់កាលពីថ្ងៃទី២៦ ខែតុលា ឆ្នាំ២០២០ ឲ្យដឹងថា៖ «សំណាងណាស់សម្លាញ់ DJក្លាំ និងDJមាំ ដែលមិនគ្រោះថ្នាក់ ដោយគុណទឺកដោះម្តាយថ្លៃមើលឡានខ្ទិចឣស់ សូមបងធ្វើដំណើតាមខេត្តពេលយប់ត្រូវប្រុងប្រយ័ត្នឣោយបានខ្ពស់»។
តែយ៉ាងណា គណនីខាងលើពុំបានបញ្ជាក់ប្រាប់ពីទីតាំងកើតហេតុ ដែល DJ ក្លាំ និង DJ ម៉ាំ បានជួបគ្រោះថ្នាក់ក្រឡាប់រថយន្តឡើងខ្ទេចដ៏មហាសំណាងនេះទេ៕ ដោយ៖ លឹម ហុង
