ដាណាំង៖ គម្រោងអចលនទ្រព្យនៅតាមឆ្នេរសមុទ្រនៅដាណាំងប្រទេសវៀតណាម ត្រូវបានផ្តល់ការយល់ព្រមពីអាជ្ញាធរទីក្រុងណាំង ដើម្បីបង្កើនតម្លៃវិនិយោគរបស់ខ្លួនពី ៣៨០ ពាន់លានដុង (១៧ លានដុល្លារអាមេរិក) ដល់ចំនួន ២,២ទ្រីលានដុងឬប្រមាណ ៩៤,៥លានដុល្លារអាមេរិក។
នាយកដ្ឋានផែនការនិងវិនិយោគទីក្រុង បានបញ្ជាក់ប្រាប់សារព័ត៌មានវៀតណាមក្នុងស្រុកថា គម្រោងនេះ នឹងត្រូវអភិវឌ្ឍន៍ ដោយក្រុមហ៊ុន ណាំប៉ាស្តារីសតនិងវីឡា ដែលទទួលបានអាជ្ញាប័ណ្ណវិនិយោគនៅឆ្នាំ ២០០៨ នឹងបង្កើនចំនួនវីឡាប្រណីតពី ៤៧ ដល់ ៨៦ និងសាងសង់អគារថ្មីចំនួន ៥០ ។ អាផាតមិនប្រណីត ខណៈពេលដែលសណ្ឋាគារកម្ពស់ ១៨ ជាន់នឹងត្រូវបានសាងសង់ឡើងដោយមាន ១៥៧ បន្ទប់ជំនួស ១០០ ដែលត្រូវបានចុះបញ្ជីក្នុងអាជ្ញាប័ណ្ណវិនិយោគដំបូង។ នាយកដ្ឋានបាននិយាយថាគម្រោងនេះនឹងត្រូវបានសាងសង់នៅលើផ្ទៃដី ១៥ ហិកតានៅតំបន់ឆ្នេរ Ngũ Hành Sơn (ង៉ុងហ៊ិនសឺន) ដែលនឹងសម្ពោធដាកើឲ្យដំណើរការនៅត្រីមាសទី ៣ ឆ្នាំ ២០២១ ។
យោងតាមនាយកដ្ឋាននេះ ក្រុមហ៊ុនចំនួនពីរគឺក្រុមហ៊ុន Manwell Global Limited និងក្រុមហ៊ុន Bella Pacific ដែលមកពីកោះវឺដ្យីនអង់គ្លេសនឹងចូលរួមវិភាគទានចំនួន ១៨,៩ លានដុល្លារសម្រាប់អភិវឌ្ឍគម្រោងនេះ។
របាយការណ៍ពីសមាគមអចលនទ្រព្យរបស់ទីក្រុងដាណាំងបានបង្ហាញឱ្យដឹងថាទីក្រុងឆ្នេរឥឡូវនេះមាន ២៨,៦០០ បន្ទប់ស្មើនឹង ១០ ដងច្រើនជាងឆ្នាំ ២០០៧ ។
នៅពាក់កណ្តាលខែតុលាក្រុមហ៊ុន BRG Group ក្នុងស្រុកបានចាប់ផ្តើមសាងសង់រមណីយដ្ឋានវាយកូនហ្គោល BRG-Nẵng មានកម្ពស់ ៣៦ ជាន់ ជាមួយនឹងការវិនិយោគសរុប ៧១ លានដុល្លារ នៅក្នុងស្រុកង្វៀនសាង។ គេរំពឹងថាគម្រោងនេះនឹងបន្ថែមបន្ទប់ចំនួន ៥០០ បន្ថែមទៀតដល់ឧស្សាហកម្មទេសចរណ៍ក្នុងទីក្រុង។ – VNS
