ភ្នំពេញ ៖ លោកអភិបាលរាជធានីភ្នំពេញបានសុំឱ្យអ្នកវិនិយោគទុន និងអ្នកទេសចរណ៍ អង់គ្លេសមកបណ្តាក់ទុន នឹងទស្សនានៅកម្ពុជា ឲ្យបានច្រើន។លោកអភិបាលបានស្នើបែបនេះក្នុងជំនួបជាមួយលោកអេតវ៉ត វ៉ាស៊ី ប្រេសិតពាណិជ្ជកម្មនាយករដ្ឋមន្ត្រីរបស់ចក្រភពអង់គ្លេស់ប្រចាំកម្ពុជា ឡាវ និងវៀតណាម កាលពិព្រឹកថ្ងៃអង្គារ៍ ទី១៣រោច ខែមាឃ ឆ្នាំ រការ ត្រូវនឹងថ្ងៃទី ១៣ ខែកុម្ភះ ឆ្នាំ ២០១៨នេះ នៅសាលារាជធានីភ្នំពេញ។
ក្នុងឱកាសនោះលោក ឃួង ស្រេង ក្នុងឪកាសបានលើកឡើងពីការងារអភិវឌ្ឍន៍រីកចម្រើន របស់រាជធានីភ្នំពេញ ដោយមានហេដ្ឋារចនាសម្ព័នជាច្រើនរួម មានអគារខ្ពសៗរីកដូចផ្សិត ហើយទំហំនៃការវិនិយោគក៏បានកើនឡើងពីមួយឆ្នាំទៅមួយឆ្នាំផងដែរ ។ ភ្នំពេញជាទីក្រុងប្រមូលផ្តុំទៅដោយសេដ្ឋកិច្ច វប្បធម៌ ប្រវត្តិសាស្ត្រ ដោយមាន ប្រជាពលរដ្ឋ រស់នៅ នឹងស្នាក់អាស្រ័យ៣លាន់នាក់ និងមានយានយន្តរាប់លានគ្រឿង ។ ទន្ទឹមនឹងការ រីកចម្រើន រាជធានីភ្នំពេញក៏មានបញ្ហាប្រឈមដែលត្រូវដោះស្រាយផងដែរ ពិសេសលើ បញ្ហាចរាចណ៍ ដែលតម្រូវឲ្យយើងមានដំណោះស្រាយឲ្យបានល្អ។
លោក អេតវ៉ត វ៉ាស៊ី ប្រេសិតពាណិជ្ជកម្មនាយករដ្ឋមន្ត្រីរបស់ចក្រភពអង់គ្លេស់ ប្រចាំកម្ពុជា ឡាវ និងវៀតណាម ក្នុងឪកាសនោះក៏បានថ្លែងការកោតសរសើពី ការរីកចម្រើនរបស់រាជធានីភ្នំពេញ ក្នុងរយៈពេលប៉ុន្មានឆ្នាំចុងក្រោយនេះ ។ ដោយកំនើនសេដ្ឋកិច្ច នឹងការអភិវឌ្ឃន៍មានល្បឿនលឿន ។ នេះជាការទាក់ទាយយ៉ាងខ្លាំងដល់អ្នកវិនិយោគបរទេស ចង់មកវិនិយោគនៅកម្ពុជា ។ ឯកឧត្តម បានបន្តថា អាអ្វីដែលឯកឧត្តម ចាប់អារម្មណ៍នៅកម្ពុជាមានវិស័យដឹកជញ្ជូន និងវិស័យអប់រំ ។ ពាក់ព័ន្ធនឹងវិស័យដឹកជញ្ជូន ឯកឧត្តមបានអះអាងថា ប្រទេសអង់គ្លេសមានក្រុមហ៊ុនឈ្មោះ Mabey Bridge ហើយក្រុមហ៊ុននេះបានសាងសង់ស្ពាននៅប្រទេសហ្វីលីពិន និងប្រទេសម៉ាឡេស៊ី រាប់ពាន់ស្ពាន ។ លោកប្រេសិតពាណិជ្ជកម្មនាយករដ្ឋមន្ត្រីរបស់ចក្រភពអង់គ្លេស់បានអះអាងថា៖ក្រុមហ៊ុននេះចង់មានវត្តមាននៅកម្ពុជាដែរ ។ជាជំហានដំបូង ក្រុមហ៊ុន Mabey Bridge នឹងផ្តល់ជាស្ពានគំរូមួយដល់រាជធានីភ្នំពេញមួយ ។
ពាក់ព័ន្ធលោក ឃួង ស្រេង បានអះអាងថា៖ សម្រាប់រាជធានីភ្នំពេញ គឺត្រូវការកសាងហេដ្ឋារចនាសម្ព័នជាច្រើនទៀត បើទោះបីយើងមានស្ពានឆ្លងទន្លេ ស្ពានអាកាស និងស្ពានថ្មើលជើង។ ចំពោះការលើកឡើង ពីគម្រោងសាងសង់ស្ពាននេះ ឯកឧត្តមអភិបាលបានឯកភាពនឹងគាំទ្រគម្រោងនេះ ដោយឯកឧត្តមនឹងចាត់ឲ្យឯកឧត្តម នួន ផារ័ត្ន អភិបាលរងរាជធានីភ្នំពេញ សិក្សាពីការងារនេះ ជាមួយនឹងក្រុម ប្រេសិតពាណិជ្ជកម្មនាយករដ្ឋមន្ត្រីរបស់ចក្រភពអង់គ្លេស់ ប្រចាំកម្ពុជា៕ ដោយ៖កូឡាប
