បុរសជនជាតិតៃវ៉ាន់ម្នាក់ឈ្មោះថា Huang អាយុ ៧៩ ឆ្នាំ ត្រូវបានគេដឹងថា បានកំពុងមានទំនាក់ទំនងស្នេហាជាមួយអ្នកគ្រូ Yoga ដ៏ស្រស់ស្អាតម្នាក់ ។ នៅថ្ងៃមួយ ដៃគូរបស់គាត់បានទៅកាន់ប្រទេសជប៉ុន ជាមួយក្រុមទេសចរដ៏ធំមួយ ។ នៅពេល Huang ត្រូវបានផ្តល់ដំណឹងថា ម្នាក់ក្នុងចំណោមសមាជិកក្រុមទេសចរ កំពុងចែចង់ជាមួយមិត្តស្រីរបស់គាត់ គាត់ក៏បានចោទប្រកាន់ថានាងកំពុងលួចផិតក្បត់ ។
យោងតាមរបាយការណ៍ព័ត៌មាន ស្ត្រីនោះបានបដិសេធរាល់ការចោទប្រកាន់នេះ និងធានាអះអាងចំពោះ Huang ថានាងនៅតែស្រលាញ់គាត់ ហើយពាក្យពេចន៍ក៏មិនមែនជាការបញ្ចុះបញ្ចូលដែរ ។
ទោះយ៉ាងណា នៅយប់មួយ ស្ថិតក្នុងទីក្រុង Changhua ខណៈមិត្តស្ត្រីកំពុងដេកលក់យ៉ាងស្ងប់ស្កល់ ស្រាប់តែ Huang ចាប់ចងនាងទៅនឹងគ្រែតែម្តង ។ បុរសចិត្តកំណាចរូបនេះ បន្ទាប់មក ក៏បានយកភួយញ៉ុកមាត់នាងកុំឲ្យស្រែក ។ Huang បន្ទាប់មកទៀត ក៏បានយកកាំបិតកាត់ត្របកលើក្រោមរបស់នាង, ច្រមុះ និងបបូរមាត់ ។ រន្ធទឹកភ្នែករបស់នាងត្រូវបានបំផ្លាញ និងឆ្អឹងខ្ចីទាំងអស់ពីច្រមុះរបស់នាងត្រូវបានកាត់ផ្តាច់ ។
វេជ្ជបណ្ឌិតនិយាយថា ស្ត្រីនឹងត្រូវការការវះកាត់ប៉ះប៉ូវច្រើន និងពុំអាចជាសះស្បើយទាំងស្រុងពីមុខរបួសដ៏ធ្ងន់ធ្ងរទាំងនេះបានវិញទេ ៕ ចន្ទី
