ភ្នំពេញ៖ឧត្តមសេនីយ៍ឯកម៉ៅ សុផាន់ បានណែនាំឱ្យមន្ត្រីយោធាក្រោមឱវាទទាំងអស់ត្រូវមានការប្រុងប្រយ័ត្នខ្ពស់ មិនត្រូវធ្វេសប្រហែសចំពោះ ស្ថានការណ៍នៃជំងឺឆ្លងកូវីដ-១៩ ហើយត្រូវធ្វើការណែនាំដល់នាយទាហានក្រោមឱវាទ ឲ្យអនុវត្តឲ្យបានខ្ជាប់ខ្ជួននូវសេចក្តីណែនាំរបស់អគ្គបញ្ជាការ។
កងពលតូចលេខ៧០ បានចេញសេចក្តីជូនដំណឹង ដល់គ្រប់បណ្តាកងឯកភាពចំណុះកងពលតូចលេខ៧០ ស្តីពីការ ពង្រឹងវិធានការបង្ការ ការពារ និងទប់ស្កាត់ការរីករាលដាលនៃជំងឺឆ្លងឌូវីដ-១៩ (Covid-19) យោងមតិណែនាំរបស់ឯកឧត្តម នាយឧត្តមសេនីយ៍ អគ្គមេបញ្ជាការ ថ្ងៃទី៧ ខែវិច្ឆិកា ឆ្នាំ២០២០។
លោកឧត្តមសេនីយ៍ឯកម៉ៅ សុផាន់ មេបញ្ជាការកងពលតូចលេខ៧០ សូមជម្រាបជូន មេបញ្ជាការវរសេនាតូចទាំង៦ មេបញ្ជាការកងអនុសេនាធំ មេបញ្ជាការកងអនុសេនាតូច និងតាមការិយាល័យជំនាញ ជ្រាបថា ស្ថានភាពជំងឺឆ្លងកូវីដ-១៩ នាពេលថ្មីៗនេះ នៅ លើពិភពលោក ក៏ដូចជានៅព្រះរាជាណាចក្រកម្ពុជាមានការវិវត្តជាថ្មីគួរឲ្យព្រួយបារម្ភជាទីបំផុត។
ឧត្តមសេនីយ៍ឯកម៉ៅ សុផាន់ បានបញ្ជាក់បន្ថែមទៀតថា
ដើម្បីរួមចំណែកជាមួយនឹងរាជរដ្ឋាភិបាល ក្រសួងសុខាភិបាល ក៏ដូចជាក្រសួងការពារជាតិក្នុងការបង្ការ
ការពារ និងទប់ស្កាត់ការរីករាលដាលនៃជំងឺកូវីដ-១៩ នៅព្រះរាជាណាចក្រកម្ពុជា និងក្នុងជួរកងយោធពលខេមរភូមិន្ទ
ខ្ញុំសូមមានមតិណែនាំឲ្យមេបញ្ជាការរងកងពល នាយសេនាធិការរងកងពល មេបញ្ជាការវរសេនាតូចទាំង៦ មេបញ្ជាការកងអនុសេនាធំ មេបញ្ជាការកងអនុសេនាតូច ការិយាល័យជំនាញទាំងអស់ត្រូវមានការប្រុងប្រយ័ត្នខ្ពស់ មិនត្រូវធ្វេសប្រហែសចំពោះ ស្ថានការណ៍នៃជំងឺឆ្លងកូវីដ-១៩ ហើយត្រូវធ្វើការណែនាំដល់នាយទាហានក្រោមឱវាទ ឲ្យអនុវត្តឲ្យបានខ្ជាប់ខ្ជួននូវសេចក្តីណែនាំរបស់អគ្គបញ្ជាការ នាពេលកន្លងមក ដូចជាការវាស់កម្តៅនៅគ្រប់ជ្រកចេញ ចូលអង្គភាព ការបាញ់ថ្នាំសម្លាប់មេរោគក្នុងបន្ទាយ បន្ទប់ប្រជុំ ឬបន្ទប់ធ្វើការ ពាក់ម៉ាស់និងលាងសម្អាតដៃនឹងអាល់កុល ឬសាប៊ូជាប់ជាប្រចាំ រក្សាគម្លាតសុវត្ថិភាពយ៉ាងតិច១,៥ម៉ែត្រ និងកាត់បន្ថយការជួបជុំទ្រង់ទ្រាយធំក្នុងករណីចាំបាច់ជាដើម។
សូមមេបញ្ជាការវរសេនាតូចទាំង៦ មេបញ្ជាការកងអនុសេនាធំ មេបញ្ជាការកងអនុសេនាតូច និងតាម ការិយាល័យជំនាញ ទទួលនូវការរាប់អានដ៏ជ្រាលជ្រៅអំពីខ្ញុំ។
បើរាមសេចក្តីជូនដំណឹង សូមជំរាបជូនតាមបណ្តាអង្គភាព កងអនុសេនាធំ វរសេនាតូច សាលាហ្វឹកហ្វឺន ចំណុះកងពលតូចលេខ៧០ មានដូចខាងក្រោម÷ – វរសេនាតូចលេខ២ – វរសេនាតូចលេខ៣ – មូលដ្ឋានកងយោធពលខេមរភូមិន្ធ តេជោសែនភ្នំធំម្រះព្រៅ – វរសេនាតូចលេខ៤ – មណ្ឌលសុខភាព មរតកតេជោ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្រាំងអំពឹល – សាលាហ្វឹកហ្វឺន ជុំគិរី – មណ្ឌលសុខភាព មរតកតេជោ សម្តេចកិត្តិព្រឹទ្ធបណ្ឌឹត ប៊ុន រ៉ានី ហ៊ុន សែន ជុំគិរី ស្តីពីការពង្រឹងវិធានការ បង្ការ ការពារ ទប់ស្កាត់ជំងឺឆ្លងកូវីដ១៩ ។
សូមបញ្ជាក់ថា លោកមេបញ្ជាការកងពលតូចលេខ៧០ បានណែនាំដល់មន្ត្រីចំណុះអង្គភាពកងពលតូចលេខ៧០ទាំងអស់ ចូលរួមអនុវត្តន៍ ដើម្បីទប់ស្កាត់ជំងឺកូវីដ១៩ ( Covid-19 ) ទាំងអស់គ្នា៕ ដោយ៖បញ្ញាស័ក្តិ
