Friday, April 19, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ឆក់​ទូរស័ព្ទ​ពី​ស្ត្រី​ម្នាក់ បានសម្រេច​រត់គេចខ្លួន​ចូល​ព្រៃ​បាត់ស្រមោល​

spot_img

​ភ្នំពេញ​៖ ជនសង្ស័យ​ម្នាក់ បានធ្វើ​សកម្មភាព​ដើរ​ថ្មើរជើង​មក​ឆក់​ទូរស័ព្ទ​ពី​នារី​រូប​ស្រស់ ម្នាក់​វ័យ​ប្រហែល ២០​ឆ្នាំ កំពុង​ឈរ​ចុច​ទូរស័ព្ទ ដើម្បី​ហៅ​ក្រុមគ្រួសារ​មក​ទទួល បានសម្រេច រួច​រត់គេចខ្លួន​ចូលក្នុង​ព្រៃ​ក្រោម​ស្ពាន​អាកាស​ស្ទឹងមានជ័យ បាត់ស្រមោល ។

​ហេតុការណ៍​ខាងលើនេះ បាន​កើតឡើង​នៅវេលា​ម៉ោង ១២ និង​២០​នាទី​រសៀល​ថ្ងៃទី​១៦ ខែវិច្ឆិកា ឆ្នាំ​២០២០ ស្ថិតនៅ​ចំណុច​ក្រោម​ស្ពាន​អាកាស​ស្ទឹងមានជ័យ​ទី​១ សង្កាត់​ស្ទឹងមានជ័យ​ទី​១ ខណ្ឌមានជ័យ រាជធានី​ភ្នំពេញ​។​

​នារី​រងគ្រោះ សុំ​មិន​បញ្ចេញ​អត្តសញ្ញាណ មាន​អាយុ​២០ ឆ្នាំ​។ ចំណែក​ជនសង្ស័យ​មិន​ស្គាល់​អត្តសញ្ញាណ ។​

​តាម​ប្រភពព័ត៌មាន​ពី​ជនរងគ្រោះ ដែល​សុំ​មិន​បញ្ចេញ​អត្តសញ្ញាណ បាន​ឲ្យ​ដឹងថា មុនពេល​កើតហេតុ រូបនាង​កំពុង​ឈរ​ចុច​ទូរស័ព្ទ នៅក្រោម​ស្ពាន​អាកាស​ស្ទឹងមានជ័យ​ទី​១ ដើម្បី​ទំនាក់ទំនង​ហៅ​ក្រុមគ្រួសារ មក​ទទួលយក​ត្រលប់​ទៅផ្ទះ​វិញ​។ ភ្លាមៗ​នោះ ស្រាប់​តែមាន​ជនសង្ស័យ​ម្នាក់ បាន​ដើរមក​ធ្វើ​សកម្មភាព​ឆក់​ទូរស័ព្ទ​របស់​នាង បានសម្រេច​រួច​រត់គេច​ខ្លួន មក​ខាងក្រោម​ស្ពាន​អាកាស​ស្ទឹងមានជ័យ ហើយ​នាង​បាន​ដេញតាម​ក្រោយ និង​ស្រែកប្រាប់​ឲ្យ​បងប្អូន​ប្រជាពលរដ្ឋ ដែល​រស់នៅ​ក្រោម​ស្ពាន​ឲ្យ​ជួយ​ដេញតាម ប៉ុន្តែ​ជនសង្ស័យ​បាន​រត់គេចខ្លួន​ចូលទៅ​ក្នុងព្រៃ​បាត់ស្រមោល តាមរក​មិនឃើញ​សោះ​។​

​ជនរងគ្រោះ​បន្តថា សម្ភារ​ដែល​បាត់បង់​នោះ មាន​ទូរស័ព្ទដៃ​មួយគ្រឿង​ម៉ាក​អាយ​ហ្វូ​ន ដែល​ទើបនឹង​ទិញ​ក្នុងតម្លៃ​៨០០​ដុល្លារ​។​

​ក្រោយ​កើតហេតុ​សមត្ថកិច្ច​មូល​ដ្ឋា​ន បាន​ចុះ​មកដល់​កន្លែងកើតហេតុ រួច​ឲ្យ​ជនរងគ្រោះ​ទៅ​ដាក់ពាក្យ​បណ្ដឹង នៅ​ប៉ុស្តិ៍នគរបាល​រដ្ឋបាល​ស្ទឹងមានជ័យ​ទី​១ ប៉ុន្តែ​ជនរងគ្រោះ​មិនបាន​ទៅ​ដាក់ពាក្យ​បណ្ដឹង​នោះទេ បាន​បន្តដំណើរ​ទៅមុខទៀត​បាត់​៕​ដោយ​៖​មី​ដា ផាន់​ណា​

spot_img
×