ប្រិយមិត្តមួយចំនួន ជឿជាក់ថា ប្រាកដណាស់បានស្គាល់រួចហើយ ពីលោកពូម្នាក់ដែលតែងឃើញវត្តមានឡើងច្រៀង នៅក្នុងពិធីមង្កលការជាច្រើន ជាពិសេសបានទាក់ទាញការចាប់អារម្មណ៍ខ្លាំងពីមហាជន តាមរយៈកាយវិការដ៏ក្រមិចក្រមើមកំប្លែងស្ងួត និងច្រៀងកូរអ្នកភ្លេងជាដើម។
ជាក់ស្តែង ដូចវីដេអូនេះ លោកពូខាងលើដែលគេស្គាល់មានឈ្មោះ រដ្ឋា បានធ្វើឲ្យអ្នកចូលរួមកម្មវិធីផ្ទាល់ និងក៏ដូចអ្នកទស្សនាតាមអនឡាញ អស់សំណើចជាខ្លាំង ព្រោះថាខណៈភ្លេងលេងបទ «Lady» ស្រាប់តែគាត់បែរជាច្រៀងបទ «កំពតកំពូលដួងចិត្ត» ឡើងដាច់ចង្កេះអ្នកភ្លេងតែម្តង។
វីដេអូនេះឃើញថាទទួលបានការចែករំលែកយ៉ាងច្រើន រហូតល្បីដល់នាយ ពាក់មី ចាប់អារម្មណ៍ពីស្ទាយកំប្លែងស្ងួតរបស់គាត់ ដោយស្ងើចខ្លាំងពេក ក៏បានពោលពាក្យមួយឃ្លាយ៉ាងខ្លីថា៖ «មួយជីវិត តើបានស្តាប់បទនេះប៉ុន្មានដង ? ស៊ែរចែកកូនមើលផង»។
ជាមួយគ្នានេះផងដែរ ក៏មានអ្នកខ្លះបានចូល Comment ក្រោមវីដេអូនេះថា៖ «លោកពូមកទៀតហើយ នៅតែពូកែកូរដដែល! នេះជាស្តាយរបស់ពូក្រឹម មានអ្នកស្នងហើយ .. Love you all, កំពូលអ្នកច្រៀងប៉ះកំពូលអ្នកភ្លេង កូរគ្នាម្តងម្នាក់ទេ តែសុំសរសើរក្រុមភ្លេងលេងតាមម៉ាអេម, មើលវីឌីអូនេះហើយអារម្មណ៍ស្រស់ស្រាយណាស់»៕ ដោយ៖ លឹម ហុង
