ភ្នំពេញ៖រដ្ឋាភិបាលជប៉ុន បានផ្តល់ជំនួយឥតសំណងសម្រាប់គម្រោងសន្តិសុខមនុស្សជាតិ, KUSANONE, ចំនួន ២៨៨,៤៧៣ ដុល្លារអាមេរិក សម្រាប់បំពាក់ឧបករណ៍ពេទ្យនៅមន្ទីរពេទ្យបង្អែកអង្គរបូរីខេត្តតាកែវ បំពាក់ឧបករណ៍អក្សរប្រៃយ៍នៅសាលាពិសេសក្នុងរាជធានីភ្នំពេញ និងខេត្តចំនួន៣ និងតម្លើងឧបករណ៍សម្រាប់ធ្វើរោគវិនិច្ឆ័យការស្តាប់ឮ និងពង្រឹងសេវាព្យាបាលការទំនាក់ទំនងសម្រាប់កុមារនៅភ្នំពេញនិងខេត្តទាំង ៦។
ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុន និងអ្នកតំណាងអង្គភាពចំនួន៣ បានចុះហត្ថលេខា លើកិច្ចសន្យាផ្តល់ជំនួយរបស់ពួកគេនៅស្ថានទូតជប៉ុនប្រចាំកម្ពុជា នៅថ្ងៃទី ២១ ខែធ្នូ ឆ្នាំ២០២០ ។
ឯកឧត្តម មិកាមិ ម៉ាសាហ៊ីរ៉ូ បានមានប្រសាសន៍ថា យើងជឿជាក់ថាជំនួយទាំងនេះ នឹងជួយក្នុងការកែលម្អគុណភាពជីវិតសម្រាប់ប្រជាជននៅក្នុងតំបន់នីមួយៗនៃគម្រោង។
បើតាមសុន្ទរកថារបស់ឯកអគ្គរាជទូតជប៉ុន៖ “ខ្ញុំមានសេចក្តីសោមស្សរីករាយដែលសង្កេតឃើញថានាពេលថ្មីៗនេះ ប្រទេសកម្ពុជាបាន និងកំពុង ការអភិវឌ្ឍតាំងជាប់រហ័ស ។ ទោះជាយ៉ាងណាក៏ដោយ ខ្ញុំក៏ទទួលស្គាល់ថា នៅតែមានបញ្ហាប្រឈម មួយចំនួនដែលត្រូវដោះស្រាយ ដើម្បីលើកកម្ពស់គុណភាពជីវភាពរបស់ប្រជាជន។ ប្រទេសជប៉ុង នឹងបន្ត ចូលរួមចំណែក ក្នុងការដោះស្រាយបញ្ហាប្រឈមទាំងនោះ តាមរយៈក្របខ័ណ្ឌសហប្រតិបត្តិការ សេដ្ឋកិច្ចនិងអភិវឌ្ឍន៍ផ្សេងៗ រួមទាំងគម្រោង “គូសាណូណិ”៕ រក្សាសិទ្ធិដោយ៖បញ្ញាស័ក្តិ
