មនុស្សជាច្រើននៅលើបណ្តាញសង្គម ពិតជាមានការភ្ញាក់ផ្អើលជាខ្លាំង ខណៈពេលដឹងថា បុរសជាចោរម្នាក់ដែលត្រូវបានចាត់ទុកអស្ចារ្យ ដែលអាចមានសមត្ថភាពប្រើពស់១ក្បាល ដើម្បីលួចរបស់របរទំនិញពីបណ្តាហាងនានា ប៉ុន្តែ ទីបំផុត ត្រូវបានចាប់ខ្លួនដោយបុរសអ្នកលក់ដូរ១ក្រុម និងធ្វើឲ្យអាម៉ាសនៅទីសាធារណៈ ។
ហេតុការណ៍នេះបានកើតឡើងនៅផ្សារ New Benin ក្នុងប្រទេសនីហ្សេរីយ៉ា នៅពេលដែលបុរសអ្នកលក់ដូរ១ក្រុម បានដឹងថា ទូរស័ព្ទជាច្រើនគ្រឿង និងលុយកាក់របស់ពួកគេ បានបាត់ ។
បុរសទាំងនោះបន្ទាប់មក បានប្រឈមមុខនឹងបុរសម្នាក់ ដែលពួកគេចោទប្រកាន់ថាបានលួចទំនិញរបស់ពួកគេ ។
ខោជើងវែង និងខោលីអូរបស់បុរសនោះ ត្រូវបានចាប់សម្រាតនៅកន្លែងសាធារណៈ ខណៈបុរសទាំងនោះធ្វើការឆែកឆេររករបស់របរដែលបានបាត់បង់របស់ពួកគេ ។
នៅពេលពួកគេមិនរកឃើញអ្វីសោះនោះ បុរសទាំងនោះក៏បានវាយដុំទៅលើជនសង្ស័យ រហូតទាល់តែរូបគេសារភាពចំពោះមុខពួកគេថា ពស់របស់គាត់បានលេបចូលទំនិញទាំងនោះ ។
គ្រាលឺយ៉ាងដូច្នេះ ពួកគេក៏ប្រញាប់ប្រញាល់ចាប់ផ្តើមកាត់ភ្លះពស់នោះ នៅទីសាធារណៈ ដើម្បីទាញយកលុយ និងទូរស័ព្ទ ត្រឡប់មកវិញ ៕ ចន្ទី
