ប្រិយមិត្តជាច្រើនប្រាកដណាស់ជាស្គាល់ហើយ ពីតារាចម្រៀង និងជាម្ចាស់ពានក្នុងកម្មវិធីលំដាប់ពិភពលោក «Cambodia’s Got Talent» រដូវកាលពីទី១ របស់ស្ថានីយទូរទស្សន៍ហង្សមាស គឺប្អូនប្រុសពិការភ្នែក យឿន ពិសី។
ជាការពិតណាស់ ក្រោយទទួលបើទោះជាក្លាយជាម្ចាស់ពានក្តី ប៉ុន្តែ យឿ់ន ពិសី ហាក់ពុំឃើញមានសមិទ្ធផលអ្វីគួរឲ្យកត់សម្គាល់ នៅក្នុងផលិតហង្សមាសទេ និយាយរួមទៅគឺស្ងាត់ឈឹងតែម្តង។ តែទោះយ៉ាងណា ប្អូនប្រុស ពិសី បានងាកមកបង្កើឆាណែល Youtube ផ្ទាល់ខ្លួន តាមរយៈការបង្កើតវីដេអូកម្សាន្តផ្តល់សំណើចសប្បាយៗ ដែលឃើញថាទទួលបានការគាំទ្រពីអ្នកទស្សនាយ៉ាងច្រើន។
ដោយឡែក ងាកចាប់អារម្មណ៍រឿងគូស្នេហ៍វិញ ថ្មីៗនេះ យុវជនជាជនពិការភ្នែករូបនេះ បានធ្វើឲ្យហ្វេនៗមានការភ្ញាក់ផ្អើល និងរំភើបជំនួសជាខ្លាំង ខណៈបានឃើញវីដេអូបង្ហាញទិដ្ឋភាព ពិសី បានដឹកដៃគូស្នេហ៍ថតឈុតអាពាហ៍ពិពាហ៍យ៉ាងស្រស់ស្អាត ក្នុងទឹកមុខញញឹមរកគ្នាយ៉ាងរំភើបរៀងៗខ្លួន។ ហើយបើតាមប្រភពពីមិត្តភក្តិស្និទ្ធស្នាល បានប្រាប់ឲ្យដឹងថា ពួកគេនឹងចូលរោងការជាផ្លូវការនៅថ្ងៃទី១៧ ខែមករា ឆ្នាំ២០២១ ខាងមុខនេះ៕ រក្សាសិទ្ធិដោយ៖ លឹម ហុង
