បណ្តាញសង្គមវៀតណាម ពិតជាមានការភ្ញាក់ផ្អើល និងស្ទើរតែមិនគួរឲ្យជឿ ចំពោះរឿងរ៉ាវរបស់នារីវ័យក្មេងម្នាក់ ដែលបានសម្រេចចិត្តទទួលយកការឈឺចាប់ក្រោមផ្លែកាំបិតវះកាត់កែសម្ផស្សនៅអាយុ ១៩ ឆ្នាំ បន្ទាប់ពីបែកបាក់ជាមួយសង្សារដោយសារតែមុខមាត់អាក្រាក់របស់នាង។
នាង ង្វៀន ទួងវី បានក្លាយជាប្រធានបទក្តៅ នៅក្នុងប្រទេសវៀតណាម បន្ទាប់ពីរូបភាពជាច្រើនរបស់នាងត្រូវបានគេចែករំលែកពាសពេញបណ្តាញសង្គម កាលពីពីរបីឆ្នាំមុន មុនពេលនាងទទួលយកការវះកាត់ផ្ទៃ។ នារីអាយុ ២១ ឆ្នាំ មកពីខេត្តដាក់ឡាក់ រូបនេះ បាននិយាយថា នាងបានសម្រេចចិត្តផ្លាស់ប្តូរមុខមាត់របស់នាង បន្ទាប់ពីបែកបាក់ជាមួយមិត្តប្រុសរៀនថ្នាក់ទី១១ នៅពេលនាងមានអាយុ ១៧ ឆ្នាំ។
នាង ទួងវី បានរំលឹកឲ្យដឹងថា ក្នុងអំឡុងចូលរួមពិធីខួបកំណើតមិត្តភក្តិសង្សាររបស់នាង នាងតែងសង្កេតឃើញមនុស្សជាច្រើនសម្លឹងមករកនាង ហើយនិយាយដើមថា សង្សាររបស់នាងជាបុរសសង្ហារដែលគួរមានមិត្តស្រីរូបអាក្រក់បែបនេះសោះ។ ចាប់តាំងពីពេលនោះមក សង្សាររបស់នាងបានផ្លាស់ប្តូរការស្រឡាញ់នាងមិនដូចពីមុន ពោលគឺតែងបានឃ្លាតឆ្ងាយ និងសូម្បីលែងណែនាំនាងឲ្យមិត្តភក្តិរបស់គាត់បានស្គាល់ទៀតឡើយ។
ដោយសារតែរឿងដ៏គួរឲ្យតក់ស្លុត និងខកចិត្តជាខ្លាំងនេះ នាងក៏បានសម្រេចចិត្តសុំបែកគ្នាជាមួយមិត្តប្រុស នៅអាយុ ១៧ ឆ្នាំ។ តែទោះយ៉ាងណា នាងខំអត់ធ្មត់នឹងការឈឺចាប់មួយនេះ ហើយប្តេជ្ញានឹងផ្លាស់ប្តូររូបរាងនៅថ្ងៃណាមួយ។
នៅទីបំផុត បន្ទាប់ពីបញ្ចប់ការសិក្សា នាង ទួងវី ក៏បានចាប់ផ្តើមកែសម្ផស្ស ដោយធ្វើច្រមុះជាលើកដំបូង។ ប៉ុន្តែ មិនបានប៉ុន្មានផង នាងក៏បានធ្វើច្រមុះជាលើកទី២ ហើយត្រូវសម្រាកនៅផ្ទះរយៈពេល ៦ ខែ ដើម្បីវិលមករកសភាពធម្មតាវិញ។ លើសពីនេះ នាង ទួងវី ក៏បានចាក់ Filler ចូលថ្ពាល់ បបូរមាត់ និងចង្ការ ដើម្បីទទួលបានរូបរាងដូចបច្ចុប្បន្ន។
រូបភាពបច្ចុប្បន្នរបស់ នាង ទួងវី បានធ្វើឱ្យមនុស្សគ្រប់គ្នាភ្ញាក់ផ្អើល និងផ្តល់ការសរសើរជាខ្លាំង។ អ្នកខ្លះថែមទាំងគិតថា សង្សារម្នាក់នោះប្រាកដជាស្តាយក្រោយ នៅពេលបានឃើញសម្រស់របស់នាងនាពេលនេះ។ ហើយជាមួយគ្នានេះផងដែរ អ្នករាល់គ្នាក៏បានលើកទឹកចិត្ត នាង ទួងវី ដើម្បីបំភ្លេចអ្វីៗទាំងអស់ពីអតីតកាល ព្រោះពេលនេះនាងបានផ្លាស់ប្តូរ មានទំនុកចិត្តលើខ្លួនឯង និងទទួលយកជីវិតថ្មី៕ រក្សាសិទ្ធិដោយ៖ លឹម ហុង
