ភ្នំពេញ៖រាជរដ្ឋាភិបាល សម្រេចជាថ្មីប្រគល់អគារទីស្តីការក្រសួងរ៉ែ និងថាមពល ជូនគណៈកម្មាធិការជាតិ គ្រប់គ្រងគ្រោះមហន្តរាយ ដោយយោងតាមសាអេឡិចត្រូនិចដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានជម្រាបជូន ឯកឧត្តមនាយឧត្តមសេនីយ៍ ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ឯកឧត្តមទេសរដ្ឋមន្ត្រីទទួលបន្ទុករបសកកម្មពិសេស និងជាអនុប្រធានទី១ អាជ្ញាធរកម្ពុជា គ្រប់គ្រងសកម្មភាពកំចាត់មីននិងសង្គ្រោះជនពិការដោយសារមីន ឯកឧត្តមរដ្ឋមន្ត្រីក្រសួងរ៉ែនិងថាមពល ឯកឧត្តមរដ្ឋមន្ត្រីប្រតិភូអមនាយករដ្ឋមន្ត្រីនិងជាប្រធានគណៈកម្មាធិការសិទ្ធិមនុស្សកម្ពុជា ក្នុងកម្មវត្ថុ ៖ ករណីកែសម្រួលខ្លឹមសារចំណុចទី៧ នៃលិខិតលេខ០៤ សជណ ចុះថ្ងៃទី៤ ខែមករា ឆ្នាំ ២០២១របស់ទីស្តីការគណៈរដ្ឋមន្ត្រី។
យោងលិខិតលេខ០០៣ ខន/០២១ សជណ ចុះថ្ងៃទី៦ ខែមករា ឆ្នាំ២០២១ របស់ខុទ្ទកាល័យសម្តេច អគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សាអេឡិចត្រូនិចដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាថ្ងៃទី៥ ខែមករា ឆ្នាំ២០២១។
ទីស្ដីការគណៈរដ្ឋមន្ត្រីសូមជម្រាបជូនឯកឧត្តម ជ្រាបថា រាជរដ្ឋាភិបាលសម្រេចកែសម្រួលខ្លឹមសារចំណុច ទី៧ នៃលិខិតលេខ០៤ សជណ ចុះថ្ងៃទី៤ ខែមករា ឆ្នាំ២០២១ របស់ទីស្តីការគណៈរដ្ឋមន្ត្រី ដោយប្រគល់ទីតាំងទីស្តីការក្រសួងរ៉ែនិងថាមពលបច្ចុប្បន្ន ជូនគណៈកម្មាធិការជាតិគ្រប់គ្រងគ្រោះមហន្តរាយ៍។ អាជ្ញាធរកម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមីន និងគណៈកម្មាធិការសិទ្ធិមនុស្សកម្ពុជា នៅអគារចាស់ដដែលមានដីទំហំ ៥៤ម៉ែត្រគុណ៤០ម៉ែត្រ ដោយអាជ្ញាធរ កម្ពុជាគ្រប់គ្រងសកម្មភាពកំចាត់មីន និងសង្គ្រោះជនពិការដោយសារមិនទទួលបានដីទំហំ ២៩ម៉ែត្រគុណ៤០ម៉ែត្រ និង គណៈកម្មាធិការសិទ្ធិមនុស្សកម្ពុជាទទួលបានដីទំហំ២៥ម៉ែត្រគុណ៤០ម៉ែត្រ៕ រក្សាសិទ្ធិដោយ៖បញ្ញាស័ក្តិ
