ភ្នំពេញ៖ ថ្មីៗនេះ នៅលើបណ្តាញសង្គម ពិតលាន់មាត់ភ្ញាក់ផ្អើលយ៉ាងខ្លាំង ខណៈឃើញហីលីកូទ័រ១គ្រឿង ដឹកសំបកកង់រថយន្ត២គ្រាប់ស្តែងៗ ក្រោយលោកធំម្នាក់ហ៊ានចំណាយលុយរហូតដល់ទៅ ៦ ពាន់ដុល្លារ ជួលដឹកពីភ្នំពេញ មកខេត្តស្ទឹងត្រែង ដោយសារមានការប្រញាប់។
នេះបើយោងតាមគណនីហ្វេសប៊ុកឈ្មោះ Sokhan May ដែលទំនងជាជាងជួសជុលរថយន្ត បានបង្ហោះសរសេររៀបរាប់ថា៖ «ថ្ងៃនេះមានភ្ញៀវទិញកងឡានប្រញ៉ាប់ កង់ឡានផ្ញើតាមអេឡេកូមក។ ពីppមកស្ទឹងត្រែង 1ម៉ោង 10នាទី ភ្លាមៗ ហេងៗ»។
ម្ចាស់គណនីខាងលើ ក៏បានប្រាប់ឲ្យដឹងតាមរយៈខមិនថា៖ «របស់ឯកឧត្ដមបង គាត់ប្រញាប់ឡើងទៅសៀមរាប តម្លៃពីppមកស្ទឹងត្រែង6000$ កង់ពីរនោះតម្លៃ1300$»។
ក្រោយពីបានឃើញបែបនេះ អ្នកលេងបណ្តាញសង្គមបានលាន់មាត់ថា៖ «ចុមយក្ស លេងទិញកង់ពីរគ្រាប់ ដឹកសុទ្ធតែអេឡេកូ សាហាវកប់ហ្មង!, គេឧកញ៉ា តម្លៃកង់១៣០០$ តម្លៃយន្តហោះដឹក 6000$ គេអើយ កាកលុយ»៕ រក្សាសិទ្ធិដោយ៖ លឹម ហុង
