ភ្នំពេញ៖ នារសៀលថ្ងៃចន្ទ ទី១១ ខែមករា ឆ្នាំ២០២១ នៅទីស្តីការ ក្រុមប្រឹក្សាអភិវឌ្ឍន៍កម្ពុជា ឯកឧត្តម ឈៀង យ៉ាណារ៉ា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការគណៈកម្មាធិការ នីតិសម្បទា និងអភិវឌ្ឍន៍កម្ពុជានៃក្រុមប្រឹក្សាអភិវឌ្ឍន៍កម្ពុជា (គ.ជ.នា/ក.អ.ក) បានទទួលជួបពិភាក្សាការងារជាមួយតំណាងសហភាពអឺរ៉ុប និងតំណាងដៃគូអឺរ៉ុបប្រចាំកម្ពុជា (ឆែក, បារាំង, អាល្លឺម៉ង់, ស៊ុយអ៊ែត និងស្វីស) ដឹកនាំដោយលោក Franck Viault អគ្គទីប្រឹក្សា និងជាប្រធានទទួលបន្ទុកផ្នែកកិច្ចសហប្រតិបត្តិការនៃសហភាពអឺរ៉ុបប្រចាំកម្ពុជា។ គោលដៅចម្បងនៃជំនួបនេះ គឺដើម្បីពិភាក្សាអំពីការត្រៀមរៀបចំកិច្ចពិគ្រោះយោបល់ រវាងរាជរដ្ឋាភិបាលកម្ពុជា និង សហភាពអឺរ៉ុប-ដៃគូអឺរ៉ុប លើសេចក្តីព្រាងយុទ្ធសាស្ត្ររួមរបស់អឺរ៉ុបស្តីពីកិច្ចសហប្រតិបត្តិការអភិវឌ្ឍន៍សម្រាប់កម្ពុជា ឆ្នាំ២០២១-២០២៧ និងសេចក្តីព្រាងកម្មវិធីណែនាំពហុឆ្នាំរបស់សហភាពអឺរ៉ុប ឆ្នាំ២០២១-២០២៧ ។
បើតាមសេចក្តីប្រកាសព័ត៌មាន ឯកឧត្តមរដ្ឋមន្ត្រីប្រតិភូ ឈៀង យ៉ាណារ៉ា បានសម្តែងការស្វាគមន៍យ៉ាងកក់ក្តៅចំពោះតំណាងសហភាពអឺរ៉ុប និងដៃគូអឺរ៉ុបទាំងអស់ ដែលបានអញ្ជើញចូលរួមក្នុងជំនួបពិភាក្សាផ្ទាល់នាថ្ងៃនេះ និងបានវាយតម្លៃខ្ពស់ចំពោះសមិទ្ធផល សម្រេចបានដ៏ល្អប្រសើរ ក្នុងការអនុវត្តយុទ្ធសាស្ត្រ ២០១៤ រួមរបស់អឺរ៉ុបស្តីពីកិច្ចសហប្រតិបត្តិការអភិវឌ្ឍន៍សម្រាប់កម្ពុជា ឆ្នាំ -២០២០ និងកម្មវិធីណែនាំពហុឆ្នាំរបស់សហភាពអឺរ៉ុប ឆ្នាំ២០១៤-២០២០ ក៏ដូចជាកិច្ចសហប្រតិបត្តិការអភិវឌ្ឍន៍ កន្លងមក ដែលបានរួមចំណែកយ៉ាងសំខាន់ក្នុងកិច្ចអភិវឌ្ឍន៍ប្រកបដោយចីរភាព និងបរិយាប័ន្ននៅកម្ពុជា ។
ឆ្លៀតក្នុង ឱកាសនេះ ឯកឧត្តមរដ្ឋមន្ត្រីប្រតិភូ ក៏បានថ្លែងអំណរគុណយ៉ាងជ្រាលជ្រៅចំពោះសហភាពអឺរ៉ុប និងដៃគូអឺរ៉ុបទាំងអស់ ដែលបានរួមចំណែកជាមួយរាជរដ្ឋាភិបាលកម្ពុជាក្នុងការឆ្លើយតបទៅនឹងការទប់ស្កាត់, ការប្រយុទ្ធប្រឆាំងនឹងការរីករាល ដាលនៃជំងឺកូវី-១៩ និងការកាត់បន្ថយផលប៉ះពាល់ដល់សង្គម -សេដ្ឋកិច្ចនៅប្រទេសកម្ពុជានាពេលកន្លងមក ។
តំណាងដៃគូអឺរ៉ុប បានវាយតម្លៃខ្ពស់ចំពោះវឌ្ឍនភាពល្អប្រសើរដែលសម្រេចបានតាមរយៈវឌ្ឍនភាពនៃវិស័យ អាទិភាពចំនួន ៤ រួមមាន ៖ ១) ការអភិវឌ្ឍវិស័យសង្គមកិច្ច , ២) ការជំរុញកំណើនសេដ្ឋកិច្ចប្រកបដោយសមធម៌ និង ចីរភាព, ៣) ការអភិវឌ្ឍហេដ្ឋារចនាសម្ព័ន្ធនៅទីក្រុង និងជនបទ និង ៤ ) អភិបាលកិច្ច និងអន្តរវិស័យ ។ សមិទ្ធផល ទាំងនេះ គឺជាសក្ខីភាពនៃការប្តេជ្ញាបន្តគាំទ្ររបស់សហភាពអឺរ៉ុប និងប្រទេសជាសមាជិកសហភាពអឺរ៉ុប និងសហព័ន្ធស្វីស សម្រាប់ដំណើរការនៃកិច្ចអភិវឌ្ឍន៍នៅកម្ពុជា ។
តំណាងដៃគូអឺរ៉ុប ក៏បានកោតសរសើរ និងវាយតម្លៃខ្ពស់ចំពោះភាពជា ដ៏ល្អប្រសើររវាងគ្រប់ដៃគូអឺរ៉ុបទាំងអស់ប្រចាំនៅកម្ពុជា និងក្រុមប្រឹក្សាអភិវឌ្ឍន៍កម្ពុជា ដៃគូ និងកិច្ចសហប្រតិបត្តិការ កន្លងមក ។ ទន្ទឹមនឹងនេះ តំណាងដៃគួអឺរ៉ុប ក៏បានជម្រាបជូន ឯកឧត្តមរដ្ឋមន្ត្រីប្រតិភូ អំពីវឌ្ឍនភាពនៃការរៀបចំ សេចក្តីព្រាងយុទ្ធសាស្ត្ររួមរបស់អឺរ៉ុប ស្តីពីកិច្ចសហប្រតិបត្តិការអភិវឌ្ឍន៍សម្រាប់កម្ពុជា ឆ្នាំ២០២១-២០២៧ និងសេចក្តីព្រាងកម្មវិធីណែនាំពហុឆ្នាំរបស់សហភាពអឺរ៉ុប ឆ្នាំ២០២១-២០២៧ គឺនឹងត្រូវបញ្ចប់នាចុងខែមករា ឆ្នាំ២០២១ នេះ ដើម្បីត្រៀមសម្រាប់ដាក់ពិភាក្សា និងប្រមូលធាតុចូល និងអនុសាសន៍ ក្នុងកិច្ចពិគ្រោះយោបល់រវាងរាជរដ្ឋាភិបាលកម្ពុជា និងសហភាពអឺរ៉ុប-ដៃតួអឺរ៉ុបប្រចាំកម្ពុជា ដែលគ្រោងនឹងប្រព្រឹត្តទៅក្នុងអំឡុងខែកុម្ភៈ ឆ្នាំ២០២១ ខាងមុខនេះ ។
ជារួម ភាគីទាំងពីរ បានឯកភាពជាគោលការណ៍លើអាទិភាពសម្រាប់យុទ្ធសាស្ត្រ ប្រតិបត្តិការអភិវឌ្ឍន៍សម្រាប់កម្ពុជា ឆ្នាំ២០២១-២០២៧ ដូចមានចែងក្នុងយុទ្ធសាស្ត្រ គឺ ១) ការអភិវឌ្ឍធនធានមនុស្ស, ២) ការធ្វើពិពិធកម្មសេដ្ឋកិច្ច រួមរបស់អឺរ៉ុបស្តីពីកិច្ចសហ – ចតុកោណដំណាក់កាល ទី ៤ , ៣) ការលើកស្ទួយវិស័យឯកជន និងការងារ និង ៤) ការអភិវឌ្ឍប្រកបដោយចីរភាព និងបរិយាប័ន្ន ។ ដោយឡែក ចំពោះកម្មវិធីណែនាំពហុឆ្នាំ ២០២១-២០២៧ ដែលជាកម្មវិធីសហប្រតិបត្តិការរវាងសហភាពអឺរ៉ុប និងរាជរដ្ឋាភិបាលកម្ពុជា, ភាគីទាំងពីរបានឯកភាពជាគោលការណ៍លើ វិស័យអាទិភាពចំនួន ៣ រួមមាន ១) វិស័យសេដ្ឋកិច្ច និងការងារ , ២) វិស័យអប់រំ និងបណ្តុះបណ្តាលជំនាញ វិជ្ជាជីវៈនិង ៣) វិស័យអភិបាលកិច្ច ។
គួរបញ្ជាក់ផងដែរថា ក្នុងចន្លោះឆ្នាំ១៩៩២-២០២០ ដៃគូអឺរ៉ុប (សហភាពអឺរ៉ុប និងប្រទេសសមាជិកចំនួន ១០ ព្រមទាំងសហព័ន្ធស្វីស ) បានផ្តល់ហិរញ្ញប្បទានសហប្រតិបត្តិការសរុបប្រមាណ ៤ ២០០ លានដុល្លារអាមេរិក សមមូលនឹង ១៩ % នៃហិរញ្ញប្បទានសរុបដែលផ្តល់ដោយដៃគូអភិវឌ្ឍន៍ទាំងអស់បានផ្តល់ដល់កម្ពុជា ៕ រក្សាសិទ្ធិដោយ៖បញ្ញាស័ក្តិ